Super Smash Bros. for Nintendo 3DS og Wii U
Super Smash Bros. for Nintendo 3DS og Super Smash Bros. for Wii U er slåstarspel utvikla av Sora Ltd. og Bandai Namco Games og utgjeve av Nintendo på spelemaskinane Nintendo 3DS og Wii U.
| Super Smash Bros. for Nintendo 3DS Super Smash Bros. for Wii U | |||
| Utviklar(ar) | Sora Ltd. Bandai Namco Games | ||
|---|---|---|---|
| Utgjevar(ar) | Nintendo | ||
| Kreativt ansvarleg(e) | Masahiro Sakurai | ||
| Serie | Super Smash Bros. | ||
| Plattform(er) | Nintendo 3DS, Wii U | ||
| Utgjeving | Nintendo 3DS: JP: 13. september 2014 NA: 3. oktober 2014 EU: 3. oktober 2014 Wii U: JP: 6. desember 2014 NA: 21. november 2014 EU: 28. november 2014 | ||
| Sjanger | Slåsting | ||
| Spelemodus | Einspelar, fleirspelar | ||
| Aldersgrense | PEGI 12 | ||
| Nettstad | https://www.smashbros.com/wiiu-3ds/ | ||
| Del av serien Super Smash Bros.⠀ | |||
| ←Super Smash Bros. Brawl⠀ · Super Smash Bros. Ultimate→ | |||
I likskap med dei andre spela i Super Smash Bros.-serien, er Super Smash Bros for Nintendo 3DS og Super Smash Bros. for Wii U uortodokse slåstarspel, der spelarar styrer figurar som bruker ulike angrep for å svekke motstanderne sine og slå dei ut av ein arena. Spela hentar element som karakterar, hjelpemiddel, musikk og kamparenaer frå ei rekkje ulike speleseriar, mellom anna Nintendo-seriar som Mario, Donkey Kong, Pokémon, Metroid, The Legend of Zelda og Animal Crossing, i tillegg til speleseriar frå tredjepartar, som Sonic the Hedgehog, Final Fantasy og Bayonetta.[1]
Super Smash Bros. for Wii U er det første spelet i serien som opnar for fleirspelar med opp til åtte deltakarar samtidig. Begge spela har vorte utvida sidan lanseringa i 2014 med innhald som kan lastast ned frå internett, inkludert nye kamparenaer og figurar. Enkelte element frå tidlegare spel i serien, som eventyrmodusen i Super Smash Bros. Brawl, er fjerna.[2]
Kjelder endre
- Denne artikkelen bygger på «Super Smash Bros. for Nintendo 3DS og Wii U» frå Wikipedia på bokmål, den 27. juni 2017.
- ↑ «ANMELDELSE: Super Smash Bros for Wii U». Gamer.no. Henta 30. september 2016.
- ↑ «Ingen historie i Super Smash Bros.». Gamer.no. Henta 30. september 2016.
