Sverre Reiten
Sverre Reiten (14. desember 1891–12. juli 1965) var ein norsk skulemann, gardbrukar og politikar for Kristeleg Folkeparti, som var stortingsrepresentant 1945-49.
| Sverre Reiten | |||
| Fødd | 14. desember 1891 Grytten kommune | ||
|---|---|---|---|
| Død | 12. juli 1965 (73 år) | ||
| Statsborgar av | Noreg | ||
| Parti | Kristeleg Folkeparti | ||
| Yrke | politikar, skuleleiar | ||
| Utdanna ved | Volda lærarhøgskule | ||
| Alle verv |
| ||
Reiten var son til ein gardbrukar i Grytten herad. Sjølv tok han eksamen ved Volda lærarskule i 1916 og underviste frå 1919 til 1942 på Nordmøre ungdomsskule, styrar av skulen 1942-45 og 1949-61. I 1925 kjøpte han eit gardsbruk i Øre og dreiv det til 1958 ved sidan av skulegjerninga.
Periodane 1928-31, 1937-40 og 1945-46 var Reiten medlem i Øre formannskap, i 1945 ordførar ei kort tid. Hausten 1945 vart han vald til stortingsrepresentant frå Møre og Romsdal for Kristeleg Folkeparti. På Stortinget var han dei neste fire åra medlem i Helsekomiteen. Åra 1952-57 var han ordførar i Øre, ei tid då han samstundes var ordførar på fylkestingsamlingane i Møre og Romsdal. Tingbolkane 1954-57 og 1958-61 var han fyrste vararepresentant til Stortinget for Kristeleg Folkeparti i Møre.