Svetlana Davidova
Svetlana Vladimirovna Davidova (fødd 14. november 1968), gift Svetlana Petsjorskaja, er ein russisk tidlegare skiskyttar. Ho vann sju gullmedaljar i ulike VM i skiskyting, og sigra i 1991 i kampen om verdscup-pokalen.
| Svetlana Davidova | |
| Verkeleg namn | russisk: Светлана Владимировна Печёрская |
| Statsborgarskap | Sovjetunionen, Russland |
| Fødd | 14. november 1968 (55 år) Jekaterinburg |
| Idrett | skiskyting |
| Tok del i |
biathlon at the 1992 Winter Olympics – women's individual |
| Utmerkingar |
Idrettens mester i Sovjetunionen |
Aktiv endre
Davidova fekk i 1989 bronsemedaljen på 15 km i sitt fyrste verdsmeisterskap i skiskyting, og gjekk så andreetappen på Sovjetunionen sitt vinnarlag i 3x7,5 km stafett. Året etter var ho nær ved vinne gull i alle fire øvingane under VM 1990 i Minsk. Ho vart suveren verdsmeister på 15 km og deltok for Sovjets vinnarlag i både stafett og lagtevlinga. På sprintdistansen, som vart flytta til Oslo og avvikla der, skaut ho på seg to strafferundar og måtte sjå seg slått av norske Anne Elvebakk med 3,3 sekundar. I 1991 kopierte Davidova plasseringane i VM med gullmedaljar i stafett i lagtevling, og sølvmedalje på sprinten. Under vinter-OL i 1992 fekk ho OL-sølv på 15 km bakom tyske Antje Misersky. Sidan deltok Davidova i skiskytings-VM 1995, men utan å merke seg ut.
Medaljar og besteplasseringar i internasjonale meisterskap endre
- VM i skiskyting 1989 i Feistritz: Gull på stafetten og lagkonkurransen, bronse på 15 km
- VM i skiskyting 1990 i Minsk og i Oslo: Gull på 15 km, stafetten og lagkonkurransen, sølv på sprinten
- VM i skiskyting 1991 i Lahti: Gull på stafetten og lagkonkurransen, sølv på sprinten
- Skiskyting under Vinter-OL 1992 i Albertville: Sølvmedalje på 15 km
- VM i skiskyting 1995 i Antholz: Nr 14 på 15 km
Kjelder endre
- Sportsboken, aktuelle årgangar
Bakgrunnsstoff endre
- «Svetlana Pechorskaya» (på engelsk). olympedia.org. Henta 26. januar 2023.