Sivasj

Syvasj eller Sivasj òg kjend som Ròtehavet (ukrainsk Сиваш, Гниле Море; russisk Сиваш, Гнилое Море; krimtatarisk Sıvaş, Çürük Deñiz) er fleire grunne lagunar på vestkysten av Azovhavet (nordaustkysten av Krimhalvøya i Ukraina). Sıvaş på krimtatarisk tyder skit. Området dekkjer i alt 2 560 km², er 200 km langt og opp til 35 km breitt. Med landområde dekkjer heile Sivasjsystemet over 10 000 km².

Sivasj
Syvasj
bukt
Satelittbilete i naturlege fargar av Sivasj
Kallenamn: Ròtesjøen, Ròtehavet
Land	Ukraina
Del av	Azovhavet
elv	Salgir
Stad	Svartehavet
- koordinatar	46°05′N 34°20′E
Lengd	200 km
Areal	2 560 km²
Saltinnhald	22-87‰
Sivasj 46.083333333333°N 34.333333333333°E / 46.083333333333; 34.333333333333
Kart som viser Sivasj. Kart som viser Sivasj.
Wikimedia Commons: Syvash

Området skjer nesten Krimhalvøya av frå fastlandet og fungerer som ei naturleg grensa mellom Den autonome republikken Krim og Kherson oblast som går gjennom Sivasj. Det er skild frå Azovhavet av det lange (110 km), smale (maks 500 m) Arabatneset, berre avbroten i nord av Henitsjesksundet og ved enden av sundet ligg hamnebyen Henitsjesk. Perekopeidet skil Sivasj frå Svartehavet og knyter Krimhalvøya til fastlandet.

Sivasj er ekstremt grunn. På det djupaste er lagunen kring 3 meter, men i snitt berre 0,5 til 1 meter. Botnen er dekt av eit opp til 5 meter tjukt lag med mudder. Sidan Sivasj er særs grunn vert det varma raskt opp om sommaren, noko som medfører ei rotelukt, som har gjeve det kallenamnet Rotehavet. Av same årsak er vatnet særs salt. Mengda salt er estimert til å vere 200 millionar tonn. Fleire fabrikkar hentar mineral frå Sivasj. Sivasj er eit internasjonalt viktig våtmarksområde. Breiddene er låge, myrlendte og salte. Om sommaren minkar vassnivået i Sivasj stort og ei gold solonets-jord kalla sivasjes av dei lokale kjem til syne.

Sivasj kan delast inn i Vest-Sivasj og Aust-Sivasj, knytt til kvarandre med Tsjongarsundet.

I historia til den russiske borgarkrigen, vart Sivasj kjend for den overraskande kryssinga til den raude armeen under Perekop-Tsjongar-operasjonen.

• 
  Krimhalvøya.
• 
  Sovjetiske soldatar kryssar Sivasj under andre verdskrigen.

Kjelder

• Denne artikkelen bygger på «Sivash» frå Wikipedia på engelsk, den 2. september 2012.