Tales from Topographic Oceans

Tales from Topographic Oceans Studioalbum av Yes
Språk	engelsk
Utgjeve	7. desember 1973
Innspelt	Seinsommaren og tidleg på hausten 1973
Studio	Morgan Studios i Willesden i London
Sjanger	Progressiv rock
Lengd	81:15
Selskap	Atlantic
Produsent	Yes Eddy Offord
Yes-kronologi
Yessongs (1973)	Tales from Topographic Oceans	Relayer (1974)

Tales from Topographic Oceans er det sjette studioalbumet frå det engelske progressiv rock-bandet Yes, utgjeve i desember 1973 i Europa og i januar 1974 i USA. Det er eit konseptalbum basert på fotnotane frå dei shastriske skriftene i Paramahansa Yogananda-boka Autobiography of a Yogi. Det er hovudsakleg Jon Anderson og Steve Howe som står for tekstane, som dei skreiv i løpet av Close to the Edge-turneen.

Meldingar
Karakter
Kjelde	Karakter
All About Jazz
AllMusic
Pitchfork	2.2/10
Christgau's Record Guide	C
Rolling Stone	(negativ)
The Rolling Stone Album Guide

Albumet kom på sjetteplass på Billboard 200 i USA, toppen av UK Albums Chart i Storbritannia og på åttandeplass på VG-lista topp 40 i Noreg.

Bakgrunn

Dette er det mest omdiskuterte albumet til Yes, då både kritikarar og publikum var særs delte i synspunkta på det. Det verkar som dei fleste meiner det har sine lyspunkt, men er for overdrive og pompøst. Atter andre meiner det er eit komplett meisterverk. Trass i hovudsakleg negativ omtale i pressen, selde albumet til gull på rekordtid i både Storbritannia og i USA.

Rick Wakeman var av dei som ikkje likte retninga bandet hadde teke, og slutta etter den påfølgjande turneen. Han var av den oppfatninga at det var mykje god musikk, men alt for mykje «dødtid» og musikalske «flisespikkeri». Sjølv om albumet vart varierande og ofte negativt omtalt, har bandet gjennom åra stadig vekk funne plass til minst ein komposisjon frå dette albumet på konsertane sine.

Utgjevinga frå 2003 har ei lengd på 83:42 minutt, mot 81:15 på originalutgjevinga. På originalutgjevinga klipte ein ned introen til «The Revealing Science of God», men denne vart lagt inn att på 2003-utgjevinga slik at låten no framstår i si heile og fulle lengd.

Innhald

All musikk er komponert av Anderson/Howe/Squire/White/Wakeman.

Side ein

Nr.	Tittel	Tekst	Lengd
1.	«The Revealing Science of God (Dance of the Dawn)»	Anderson, Howe	20:25

Side to

Nr.	Tittel	Tekst	Lengd
1.	«The Remembering (High the Memory)»	Anderson, Howe, Squire, White, Wakeman	20:38

Side tre

Nr.	Tittel	Tekst	Lengd
1.	«The Ancient (Giants Under the Sun)»	Anderson, Howe, Squire	18:35

Side fire

Nr.	Tittel	Tekst	Lengd
1.	«Ritual (Nous Sommes du Soleil)»	Anderson, Howe	21:37

2003-utgåva

Disk ein

Nr.	Tittel	Tekst	Lengd
1.	«The Revealing Science of God (Dance of the Dawn) (med original intro restored)»	Anderson, Howe	22:22
2.	«The Remembering (High The Memory)»	Anderson, Howe, Squire, White, Wakeman	20:38
3.	«The Ancient (Giants Under The Sun)»	Anderson, Howe, Squire

Disk to

Nr.	Tittel	Tekst	Lengd
1.	«Ritual (Nous Sommes du Soleil)»	Anderson, Howe	21:37
2.	«Dance of the Dawn (studio run-through)»		23:35
3.	«Giants Under the Sun (studio run-through)»		17:17

Medverkande

• Jon Anderson – vokal
• Chris Squire – bass, vokal
• Steve Howe – gitarer, vokal
• Rick Wakeman – keyboard
• Alan White – trommer, perkusjon

Ny-utgjevingar

• 1988 – Atlantic – CD
• 1994 – Atlantic – CD (Remaster)
• 2001 – Japansk Limited Edition
• 2003 – Rhino – LP & CD (Remaster med bonusspor)

Kjelder

• Denne artikkelen bygger på «Tales from Topographic Oceans» frå Wikipedia på bokmål, den 28. juli 2012.
  • Wikipedia på bokmål oppgav desse kjeldene:
• Tales from Topographic Oceans, CD notater fra innercover av Mike Tiano, 2003
• Allmusic.com
• Top Pop Albums 1955-2001, Joel Whitburn, c.2002
• Tekstene fra Tales From Topographic Oceans
• Jon Anderson-intervju i The Guardian om Topographic Oceans