Tara i Russland

Tara; Тара
	Horisonten til Tara
	Byvåpenet til Tara
Plassering
Styresmakter
Land	Russland
Føderasjonssubjekt	Omsk oblast
Grunnlagd; Bystatus	1594; 1782
Geografi
Innbyggjarar ; - Totalt (2008)	; 26 618
Koordinatar	56°54′N 74°22′E / 56.900°N 74.367°E
Tidssone; - Ved sommartid	OMST (UTC+6); OMSST (UTC+7)
Diverse annan informasjon
Retningsnummer (tlf)	+7 38171
Bilnummer	55

Tara (russisk Та́ра) er ein by i Omsk oblast i Russland med om lag 25 000 innbyggjarar. Han ligg rundt 220 km nord-nordaust for Omsk, ved elva Irtysj.

Historie

Byen vart grunnlagd som eit fort i 1594, under Jermak sitt raid inn i Sibir og han er ein av dei eldste byane i regionen. Byen ligg ved staden der elva Tara renn saman med den større elva Irtysj. Tara fekk byrettar i 1782.

Tara er både eldre enn mange og var òg opphav til enkelte sibirske byar. Av desse er Omsk sjølv, der ekspedisjoner for å grunnleggje byen vart iverksett etter førespurnad frå vojevodaane (militære leiarar) i Tara så tidleg som på 1600-talet. Men store og viktige utbyggingaer, som Sibirvegen på 1700-talet og den transsibirske jernbanen på slutten av 1800-talet, vart lagt utanom Tara.

Tara har enkelte historiske kyrkjer som har overlevd til i dag. Byen var ein gong andre by i eparkiet til erkebiskopen av Tobolsk og Tara, som hadde autoritet over dei enorme sibirske områda. Han var òg administrativt senter for Tarskij ujezd i Tobolsk gubernija på 1700- 1800-talet, med jurisdiksjon òg over Omsk ein kort periode. På 1930-talet var byen senter i Tarskij okrug, ein del av det dåverande Omsk oblast, som strekte seg frå steppene til Arktis.

Etter 1943 har Tara vore administrativt senter for Tarskij rajon i Omsk oblast. Byen vert framleis nemnd i tittelen til erkebiskopen av Omsk og Tara, men no med autoritet innskrenka til berre Omsk oblast. Tara har òg fall nedover på lista over dei mest folkerike byane i regionen og er no etter Isilkul, Kalatsjinsk og Nazyvajevsk, alle byar langs den transsibirske jernbanen.

Etter 2000 har likevel Tara fått nokre økonomiske oppturar. Bygginga av ei permanent bru over Irtysj fullførte hovudvegen Tomsk–Tara–Tobolsk, ein nordleg parallell til jernbanen. Utforskinga og utvinninga av oljefeltet Krapivinskoje lengst nord i Omsk oblast har ført til auka tankbåttrafikk til Omsk, samt bygging av eit mindre lokalt raffineri.

Denne geografiartikkelen som har med Russland å gjere, er ei spire. Du kan hjelpe Nynorsk Wikipedia gjennom å utvide han.