Tartan

Tartan er eit rutemønstra klede, typisk i ull, som er knytt til skotsk kultur og særleg Det skotske høglandet. Skotske kiltar har nesten alltid tartanmønster, og fleire skotske klanar har i dag sine særeigne tartanmønster.

Tre døme på skotske tartanar

Tartan vert til ved at vekslande band av førehandsfarga trådar vert vovne både som renning og innslag i rett vinkel til kvarandre. Innslaget vert vove i enkelt kypermønster, to over - to under renninga, med overlapp av ein ny tråd for kvar omgang. Dette gjev synlege diagonale linjer der ulike fargar møtest, noko som gjev inntrykk av at fargane blandar seg. Dei kryssande horisontale og vertikale stripene som dannar mønsteret kan også ha ulik vidde.

Vanlege bakgrunnssfargar er raudt eller grønt. Andre vanlege fargar er blått, grått, svart og kvitt.

Kjelder

• «tartan», World Encyclopedia: Philip's.
• Opphavleg omsett frå Engelsk Wikipedia 5. mars 2011

Bakgrunnsstoff

• The Scottish Register of Tartans, det offisielle tartanregisteret i Skottland
• Scottish Tartans Authority, eit av fleire alternative tartanregister
• Scottish Tartans World Register, eit av fleire alternative tartanregister
  Denne kledeartikkelen er ei spire. Du kan hjelpe Nynorsk Wikipedia gjennom å utvide han.