Tarva
Tarva er ei øygruppe i Ørland kommune i Trøndelag. Den største og einaste busette av øyane er Husøya. Arealet er 14 km², der Husøya utgjer 8 km². Øya har om lag 15 fastbuande. Tarvafjorden ligg mellom øyane og fastlandet. I nord ligg Frohavet.
| Tarva | |
|---|---|
| Geografi | |
| |
| Stad | Tarvafjorden |
| Koordinatar | 63°48′36″N 09°25′54″E / 63.81000°N 9.43167°E
|
| Areal | 14 km²
|
| Høgaste punkt | 30 moh. |
| Administrasjon | |
| Land |  Noreg
|
| Fylke | Trøndelag
|
| Demografi | |
| Folketal | 15 |
| Folketettleik | 1,1 /km² |
Øya høyrte til Austrått fram til 1858, og har framleis ein opphavleg eigedomsstruktur med ein dominerande grunneigar. Det vert drive landbruk, mellom anna med utgangarsau og egg- og dunvær. Luftforsvaret har eit skytefelt på vestsida av øyane. Været landskapsvernområde på austsida vart oppretta i 1982.
Tarva kapell vart bygd i 1972, og kyrkjegarden vart oppretta i 1921. Tarva har eige postkontor med postadresse 7166 Tarva. Øya har ikkje butikkar, men sommaropen pub. Det er ferjesamband til Dybfest på fastlandet. Tarva skule vart nedlagd på 1990-talet.
Bakgrunnsstoff
endre- komhit.net, om samfunn og reiseliv Arkivert 2007-10-06 ved Wayback Machine.