Tel as-Sabi
Tel as-Sabi eller Tel Sheva (arabisk تل السبع, hebraisk skrift תֵּל שֶׁבַע) er ein beduinsk by (lokal kommune) i Det sørlege distriktet i Israel, nær Beersheba.
| Tel as-Sabi | |||
| תֵּל שֶׁבַע, تل السبع | |||
| lokal kommune | |||
 Tel as-Sabi frå Tel Be'er Sheva
| |||
| Land |  Israel
| ||
|---|---|---|---|
| Distrikt | Det sørlege distriktet | ||
| Koordinatar | 31°14′48.12″N 34°51′21.96″E / 31.2467000°N 34.8561000°E | ||
| Areal | 5 km² | ||
| Folketal | 15 700 (2010) | ||
| Folketettleik | 3 140 / km² | ||
| Grunnlagd | 1967 | ||
| Borgarmeister | Musa Abu Isa[1] | ||
 Tel as-Sabi 31°14′57″N 34°51′34″E / 31.249166666667°N 34.859444444444°E | |||
  Kart som viser Tel as-Sabi.
| |||
| Wikimedia Commons: Tel Sheva | |||
I følgje Israelsk statistisk sentralbyrå (CBS) var folketalet i Tel as-Sabi 15 700 i desember 2010.[2]
Tel as-Sabi, den første beduinske kommunen i Israel, vart grunnlagd i 1967[3] som ein del av eit statleg prosjekt for å få faste bustader til beduinane og vart ein lokal kommune i 1984. Han er ein av sju beduniske kommunane i Negevørkenen med godkjende planar og utvikla infrastruktur.[4]
Historie
endreFør opprettinga av Israel, var Negev-beduinar eit delvis nomadisk samfunn som hadde vore gjennom ein prosess for å bli bufaste sidan osmansk styre i regionen. Dei fleste forskarane er samde i at beduinane kom til Negev kring 1800, men det er spor etter dei tidlegare òg.[5]
Under Det britiske mandatet gav ikkje styresmaktene eit lovverk til å avgjere og bevare kven som eigde landområda. For å få orden på dette vart landpolitikken til Israel i stor grad tilpassa dei osmanske landreguleringane frå 1858 som det føregåande lovverket. Dermed nasjonaliserte Israel det meste av Negev ved hjelp av statlege landreguleringar frå 1969.[5]
Israel heldt fram linja for å få fast bustad for Negev-beduinane, som dei osmanske styresmaktene tvinga på dei, og det omfatta først regulering og flytting. I 1950-åra flytta Israel to tredjedelar av Negev-beduinane til eit område som var under krigsrett.[5]
Det neste steget var å opprette sju kommunar spesielt for beduinane med betre levevilkår, skikkeleg infrastruktur og og gode offentelge tenester innan helse og utdanning. Men ikkje alle beduinane gjekk med på å flytte frå telta sine til leilegheitene og husa som staten hadde laga for dei. Kring 60% av beduinane i Israel bur i planlagde landsbyar som Ar'arat an-Naqab, medan resten bur i ulovlege heimar spredd over heile Nord-Negev.[6]
Sidan Tel as-Sabi var den første beduinske kommunen i Israel, vart det gjort mange feil av planleggjarane og styresmaktene.[3] Styresmaktene prøvde å lære frå dette då dei planla og bygde nye beduin-landsbyar og byar.
Sjå òg
endreKjelder
endre- Denne artikkelen bygger på «Tel as-Sabi» frå Wikipedia på engelsk, den 7. september 2015.
- Wikipedia på engelsk oppgav desse kjeldene:
- ↑ PM Netanyahu meets with Negev beduin mayors MFA, November 3, 2011
- ↑ «Statistical abstract of Israel 2011. POPULATION AND DENSITY PER SQ. KM. IN LOCALITIES NUMBERING 5 000 RESIDENTS AND MORE ON 31 XII 2010(1)» (PDF). Israelsk statistisk sentralbyrå. Arkivert frå originalen (PDF) 5. januar 2012. Henta 5. september 2015.
- ↑ 3,0 3,1 Dr. Yosef Ben-David (1. juli 1999). «The beduin i Israel». Israelsk utanriksdepartement.
- ↑ Staten Israel. Ministry of Justice, Ministry of Foreign Affairs. List of Issues to be taken up in Connection with the Consideration of Israel's Fourth and Fifth Periodic Reports of Israel (CEDAW/C/ISR/4 and CEDAW/C/ISR/5)
- ↑ 5,0 5,1 5,2 Dor Fridman. «About the Negev beduinar». LocalEconomySeminar. Arkivert frå originalen 5. juli 2012. Henta 7. september 2015.
- ↑ beduin information, ILA, 2007 (PDF), arkivert frå originalen (PDF) 15. juli 2015, henta 7. september 2015