Teredinidae

Teredinidae er ein familie av makkliknande muslingar, med sterkt forkrøpla skal. Dei lever i saltvatn og er utbreidde over store deler av verda. Det finst rundt 65 ulike typar slike makkar, og av desse finst 4-5 i Noreg

Treverk øydelagt av pålemakk.

Dei mest kjente artane, som høyrer til slekta pålemakk (Teredo), kalklegg gangane sine. Dei er vanlige ned til eit djup på rundt 30 meter. Pålemakk er eigentlig muslingar med skal som er redusert til ei slags borekrone, som sit fremst på kroppen og har ein storleik på omlag 1 cm. Pålemakken er ellers naken og den langstrakte forma gjer at han minner meir om ein mark enn om ein musling'.

Dei borar lange gangar i trevyrke og kan gjera stor skade ved at angripa skip og båtar av tre, trestolpar under kaier og bryggjer, osb. Pålemakk lever berre i sjøvatn, så ein kan unngå han ved å fortøya båtar litt oppe i ein elveos.

Slekter

Teredinidae omfattar fleire slekter, der pålemakk (Teredo) er den vanlegast nemnde. Den best kjende arten er Teredo navalis. Historisk har det vore større konsentrasjonar av Teredo i Det karibiske havet enn i dei fleste andre saltvassområde.

Slekter i familien Teridinidae er:

• Bactronophorus Tapparone-Canefri, 1877
• Bankia Gray, 1842
• Dicyathifer Iredale, 1932
• Kuphus Guettard, 1770
• Lithoredo Shipway, Distel & Rosenberg, 2019
• Lyrodus Binney, 1870
• Nausitoria Wright, 1884
• Neoteredo Bartsch, 1920
• Nototeredo Bartsch, 1923
• Psiloteredo Bartsch, 1922
• Spathoteredo Moll, 1928
• Teredo Linnaeus, 1758
• Teredora Bartsch, 1921
• Teredothyra Bartsch, 1921
• Uperotus Guettard, 1770
• Zachsia Bulatoff & Rjabtschikoff, 1933