The Legend of Zelda: Majora's Mask
The Legend of Zelda: Majora's Mask[a] er eit action-eventyrspel utvikla og utgjeve av Nintendo til Nintendo 64. Det vart utgjeve internasjonalt i 2000 som det sjette hovudspelet i The Legend of Zelda-serien og er ein direkte oppfølgjar til The Legend of Zelda: Ocarina of Time frå 1998. Det vart designa av ei gruppe leidd av Eiji Aonuma, Yoshiaki Koizumi og Shigeru Miyamoto og vart ferdig utvikla på under to år. Det har forbetra grafikk og fleire endringar av spelemekanikkane samanlikna med forgjengaren, sjølv om det brukte fleire element og karaktermodellar på nytt, noko utviklaren sa var ei kreativ avgjerd gjord naudsynt på grunn av tronge tidrammer.
| The Legend of Zelda: Majora’s Mask | |||
 | |||
| Utviklar(ar) | Nintendo EAD | ||
|---|---|---|---|
| Utgjevar(ar) | Nintendo | ||
| Distributør | Nintendo eShop | ||
| Kreativt ansvarleg(e) | Eiji Aonuma | ||
| Produsent(ar) | Shigeru Miyamoto | ||
| Komponist(ar) | Koji Kondo | ||
| Serie | The Legend of Zelda | ||
| Plattform(er) | Nintendo 64 Nintendo 3DS | ||
| Utgjeving | Nintendo 64 JP: 27. april 2000 NA: 26. oktober 2000 PAL: 17. november 2000 Nintendo 3DS NA: 13. februar 2015 EU: 13. februar 2015 JP: 14. februar 2015 | ||
| Sjanger | Action-eventyr | ||
| Spelemodus | Einspelar | ||
| Aldersgrense | PEGI 12, PEGI 7 | ||
| Nettstad | http://www.zelda.com/universe/game/majora/, https://www.nintendo.co.jp/n01/n64/software/nus_p_nzsj/ | ||
| Del av serien The Legend of Zelda⠀ | |||
Handlinga i Majora's Mask går føre seg to månader etter hendingane i Ocarina of Time. Spelet følgjer Link, som under ei personleg reise endar opp i Termina, ei parallell verd til Hyrule. Etter å ha kome til Termina, finn han ut at verda er truga av at månen vil falla ned i laupet av tre dagar.
Spelet vart utgjeve på nytt til GameCube i 2003 som del av The Legend of Zelda: Collector's Edition, til Wii og Wii U gjennom Virtual Console i 2009 og i 2016, og til Nintendo Switch Online i 2022. Ei nyutgåve med ekstra innhald og forbetra grafikk vart utgjeven til Nintendo 3DS i 2015 under tittelen The Legend of Zelda: Majora's Mask 3D.
Merknader
endre- ↑ Kjent i Japan som Zelda no Densetsu: Mujura no Kamen (ゼルダの伝説 ムジュラの仮面 Zeruda no Densetsu: Mujura no Kamen) eller The Legend of Zelda: Mujura no Kamen (The Legend of Zelda ムジュラの仮面 Za Rejendo obu Zeruda: Mujura no Kamen).
Kjelder
endre- Denne artikkelen bygger på «The Legend of Zelda: Majora’s Mask» frå Wikipedia på engelsk, den 10. februar 2022.
