The Ride av Rafał Brzozowski
| «The Ride» Song av Rafał Brzozowski | ||
| Land | Polen | |
| Språk | Engelsk | |
| Utgjeve | 12. mars 2021 | |
| Sjanger | Pop | |
| Lengd | 03:00 | |
| Selskap | Artistars | |
| Låtskrivar(ar) | Joakim Övrenius, Thomas Karlsson, Clara Rubensson, Johan Mauritzson | |
|---|---|---|
| Produsent | Joakim Övrenius | |
«The Ride» er ein popsong frå 2021 med den polske artisten Rafał Brzozowski. Songen var det polske bidraget i Eurovision Song Contest 2021 i Rotterdam i Nederland.[1]
Om songen
endre«The Ride» er skriven av det svenske låtskrivarlaget Joakim Övrenius, Thomas Karlsson, Clara Rubensson og Johan Mauritzson.[2] Songen vart internt vald av Telewizja Polska til å representere Polen i Eurovision Song Contest. Songen vert framført av songaren og tv-programleiaren Rafał Brzozowski, og den vart utgjeven 12. mars 2021. Ein musikkvideo til songen vart utgjeven same dag og var spela inn i Neon Muzeum i Warszawa. Musikkvideoen er regissert av Pascal Pawliszewszki.[2]
Eurovision Song Contest
endre«The Ride» var det polske bidraget i Eurovision Song Contest 2021. Polen vart trekt til å delta i den andre semifinalen som vart arrangert i Rotterdam Ahoy i Rotterdam i Nederland torsdag 20. mai. Songen vart nummer 14 av 17 i semifinalen med 35 poeng. Sidan det berre var dei ti beste som gjekk vidare til finalen, kvalifiserte den seg ikkje til finalen laurdag 22. mai.[3]
Sceneframsyninga til Brzozowski i Rotterdam var regissert av kunstnarisk ansvarleg Mikołaj Dobrowolski, medan Agustin Egurrola stod som ansvarleg for koreografien.[2][4]
Kjelder
endre- ↑ «RAFAŁ takes 'The Ride' to Rotterdam» (på engelsk). 12. mars 2021. Henta 12. mars 2021.
- ↑ 2,0 2,1 2,2 Granger, Anthony (12. mars 2021). «🇵🇱 Poland: Rafał Brzozowski To Compete At Eurovision 2021» (på engelsk). Henta 12. mars 2021.
- ↑ «Eurovision 2021 Semi-final 2 Results». Henta 22. mai 2021.
- ↑ «Rafał will represent Poland at Eurovision 2021 with "The Ride"». 12. mars 2021. Henta 12. mars 2021.
- Denne artikkelen bygger på «The Ride (sang)» frå Wikipedia på bokmål, den 18. desember 2021.