Theodoros Angelopoulos
Theodoros Angelopoulos (27. april 1935–24. januar 2012) var ein gresk filmregissør. Han er kjend for lange innstillingar, langsamt tempo og tok ofte opp tema frå nyare gresk historie.
| Theodoros Angelopoulos | |
 | |
| Verkeleg namn | Θόδωρος Αγγελόπουλος |
| Statsborgarskap | Hellas |
| Fødd | 27. april 1935 Aten |
| Død |
24. januar 2012 (76 år) |
| Yrke | filmregissør, manusforfattar, filmprodusent, filmmeldar, skodespelar, journalist, regissør |
| Språk | gresk, italiensk, fransk |
| Ektefelle | Foivi Oikonomopoulou |
| Nettstad | http://www.theoangelopoulos.gr |
| Theodoros Angelopoulos på Commons | |
Biografi
endreAngelopoulos studerte juss i Athen, men etter militærtenesta drog han til Paris, der han gjekk på universitet. Han droppa studia for å heller studere film på IDHEC (Institut des Hautes Études Cinématographiques), som også ligg i Paris. Deretter drog han tilbake til Hellas og arbeidde som journalist og filmkritikar.
Angelopoulos laga den fyrste kortfilmen sin i 1968. På 1970-talet laga han ein serie med politiske spelefilmar om det moderne Hellas, sånn som Meres tou 36 (1972), O Thiassos (1975) og I Kinighi (1977). Fleire kjende filmar er Topio stin Omichli (1988), To Vlemma tou Odyssea (1995), Mia aiwniothta kai mia mera (1998) og Trilogia I: To Livadi pou dakryzei (2004).
Under Cannes filmfestival i 1998 fekk Angelopoulos-filmen Mia aiwniothta kai mia mera Gullpalmen for beste film.
Stil
endreTidleg i karrieren sin grunnla han ein karakteristisk stil med langsam, episodisk og tvitydig forteljarteknikk (O Thiassos, som varar i heile fire timar, består av berre 80 innstillingar. Innstillingane er ofte kompliserte, nøye koreograferte og inneheld store folkemassar.
Samarbeid
endreAngelopoulos samarbeider ofte med fotografen Giorgos Arvanitis og komponisten Eleni Karaindrou under filmproduksjonane sine.
Triva
endreI boka The New Biographical Dictionary of Film av filmkritikaren David Thomson er Angelopoulos rekna som ein av dei største levande regissørane i verda.