Tilburg
Tilburg er ein kommune og by i Nederland i den sørlege provinsen Noord-Brabant. Tilburg kommune inkluderer òg landsbyane Berkel-Enschot og Udenhout. Han er den sjette største kommunen i landet med like over 200 000 innbyggjarar.
| Tilburg | |||||
|---|---|---|---|---|---|
 | |||||
| |||||
| Plassering | |||||
 | |||||
| Styresmakter | |||||
| Land Provinsar |
 Nederland Noord-Brabant | ||||
| Først nemnd i | 709 | ||||
| Borgarmeister | Peter Noordanus | ||||
| Geografi | |||||
| Flatevidd - By - Land - Vatn |
119,15 km² 116,69 km² 2,46 km² | ||||
| Innbyggjarar[1] - Totalt (2007) - folketettleik |
201 979 1 713/km² | ||||
| Koordinatar | 51°33′N 5°5′E / 51.550°N 5.083°E | ||||
| Diverse annan informasjon | |||||
| Nettstad: www.tilburg.nl | |||||
Tilburg universitet (tidlegare Katholieke Universiteit Brabant) ligg i Tilburg.
Det er tre jernbanestasjonar i kommunen, Tilburg Centraal, Tilburg West og Tilburg Reeshof. Den høgaste bygningen i Tilburg er tårnet Westpoint med ei høgd på 141,3 meter.
Historie endre
Tilburg vart først nemnd i 709 og etter dette høyrer ein ikkje meir til Tilburg på eit par hundre år. Seint i mellomalderen var ikkje Tilburg meir enn ei samling av små grender. Ei av desse var Oost-Tilburg, som låg rundt ei lita borg eller Motteburcht på ein liten ås. Borga var truleg av tre og vart rive ned etter nokre hundreår. På 1300-talet fekk Tilburg i lag med Goirle status som landgods og fleire adelsherrar styrte over godset. Dei fekk inntektene sine frå skattar, bøter og renter som landsbybuarane betalte.
På 1400-talet bygd ein av herrane av Tilburg, Jan van Haestrecht, Tilburg borg. I 1858 vart borga riven ned for å gje plass til ein fabrikk. Borga er framleis avbilda på byvåpenet. I 1803 vart Goirle skild frå Tilburg og i 1809 fekk Tilburg byrettar. Dette året hadde han om lag 9 000 innbyggjarar.
Dei fattige bøndene rundt Tilburg livnærte seg på å selje ull, og byrja etter kvart å veve sjølv. Etter kvart voks ullindustrien seg stor og i 1881 hadde Tilburg 145 spinneri. Ulltekstilar frå Tilburg vart kjend over store område og etter den andre verdskrigen vart Tilburg kjend som ullhovudstaden i Nederland. I 1960-åra gjekk det nedover med industrien og i 1980-åra var det berre eit par tekstilfabrikkar att.
Kjelder endre
- Denne artikkelen bygger på «Tilburg» frå Wikipedia på engelsk, den 16. februar 2008.