Toni Nieminen

Toni Nieminen (fødd 31. mai 1975) er ein tidlegare finsk skihoppar.

Toni Nieminen
Statsborgarskap	Finland
Fødd	31. mai 1975 (49 år) Lahtis
Idrett	skihopping
Tok del i	Vinter-OL 2002, Skihopping under Vinter-OL 1992 – Normalbakke, Skihopping under Vinter-OL 1992 – Stor bakke, Skihopping under Vinter-OL 1992 – Laghopp

I 1992 blei hoppsesongen fullstendig dominert av Nieminen, då han berre var 16 år. Som ein av dei fyrste V-stilhopparane vann han hoppveka, tok to gullmedaljar under OL i Albertville og vann òg verdscupen samanlagt.

Seinare greidde Nieminen aldri å leva opp til slike resultat. Vektproblem på grunn av framleis vekst, og den øvrige verdseliten si overgang til V-stil er to av forklaringane.

Han skreiv idrettshistorie 17. mars 1994, då han i slovenske Planica (Letalnica-bakken) gjennomførte det fyrste, ståande skihoppet i historia på over 200 meter. Tidlegare same dag hadde Andreas Goldberger strekt seg til 202 meter, men han greidde ikkje å halda seg oppreist etter nedslaget.

Nieminen la opp som skihoppar etter 2002-OL, etter å ha oppnådd ein 16. plass.

Kjelder

• Denne artikkelen bygger på «Toni Nieminen» frå Wikipedia på bokmål, den 14. desember 2008.

Bakgrunnsstoff

• (en) Toni Nieminen – Profil og resultatoversikt hos FIS
• «Toni Nieminen» (på engelsk). olympedia.org. Henta 11. februar 2023.