Tonique Williams-Darling
Tonique Williams-Darling (fødd 17. januar 1976) er ein tidlegare friidrettsutøvar frå Bahamas. Ho vart olympisk meister på 400 meter i 2004 og verdsmeister på same distansen i 2005.
| Tonique Williams-Darling | |
| Statsborgarskap | Bahamas |
| Fødd | 17. januar 1976 (48 år) Nassau på Bahamas |
| Yrke | sprintar |
| Høgd | 160 centimeter |
| Medlem av | Alpha Kappa Alpha |
Aktiv endre
Tonique Williams deltok i fleire store meisterskap før ho makta nå ein finale. Etter å ha fått eit gjennombrot i 2003, imponerte ho stort i OL-sesongen 2004. Ho vann den olympiske gullmedaljen på spesialdistansen 400 m framom den regjerande verdsmeisteren, meksikanske Ana Guevara. Endå meir imponerande, og innbringande, vart det at ho vann samtlege seks 400-meterar i Gyllenserien (Golden League) og kunne dele fyrstepremien på ein million US-dollar med den svenske tresteghopparen Christian Olsson. Ho sikra premien den 12. september 2004 i Berlin, i det siste stemnet i Gyllenserien 2004, ved å springe sin snøggaste 400 m på 49,07 sekundar.
Williams-Darling vann gullmedaljen på 400 meter også under friidretts-VM 2005 i Helsinki. Året etter vart ho nummer to på yndlingdistansen i samveldeleikane.
Medaljar og plasseringar i internasjonale meisterskap endre
- VM 1997 i Aten: Utslått i kvartfinalane (nr 23 – 54,23)
- VM 1999 i Sevilla: Utslått i forsøka (nr 33 – 52,95)
- OL 2000 i Sydney: Utslått i forsøket (nr 37 – 53,43)
- VM 2003 i Paris: Nr 5 – 50,38
- OL 2004 i Aten: Gullmedalje på 400 m – 49,42, framom Ana Guevara (49,56)
- VM 2005 i Helsinki: Gullmedalje på 400 m – 49,55, framom Sanya Richards (49,74)
Kjelder endre
- Denne artikkelen bygger på «Tonique Williams-Darling» frå Wikipedia på engelsk, den 13. august 2016.