Toralf Tollefsen
Toralf Tollefsen (26. august 1914–27. november 1994) var ein norsk trekkspel-virtuos fødd i Fredrikstad.
| Toralf Tollefsen | |||
| Fødd | 26. august 1914 | ||
|---|---|---|---|
| Død | 27. november 1994 (80 år) | ||
| Opphav | Noreg | ||
| Verka som | komponist | ||
| Prisar | Juryens hederspris i Spellemannprisen | ||
Tollefsen tok til å spela trekkspel som sjuåring. Han fekk etter kvart Ottar E. Akre som lærar. Han spelte både folkemusikk og klassisk. I 1933 blei han engasjert av BBC og arbeidde for den engelske kringkastinga i fem år. Han heldt til i Noreg under andre verdskrigen, men drog tilbake til England etterpå og blei konsertmusikar. Han opptredde mellom anna som solist med den einaste trekkspelkonserten skriven til då, av Pietro Deiro. Tollefsen turnerte seinare i Europa, Amerika og Australia.
I 1977 vann Tollefsen juryen sin heidringspris under utdelinga av Spellemannprisen.
Litteratur
endre- Verdensartisten Toralf Tollefsen. Sjøholt : Norild, c1994. ISBN 82-7225-227-9
Kjelder
endre- Remembering Toralf Tollefsen (PDF)
- Kåre Sagmyr Agentur Arkivert 2007-10-09 ved Wayback Machine.
