Torgeir Halvardsson Nes
(Omdirigert frå Torger Halvorsen Næss)
Torgeir Halvardsson Nes (1772–24. august 1853) var ein norsk gardbrukar og stortingsmann frå Luster i Sogn.
| Torgeir Halvardsson Nes | |||
| Fødd | 1772 Luster kommune | ||
|---|---|---|---|
| Død | 24. august 1853 (80 år) | ||
| Statsborgar av | Noreg | ||
| Yrke | bonde, politikar | ||
| Alle verv |
| ||
Nes var gardbrukar i heimbygda Luster. Elles dreiv han i tiåra kring 1800 og kjøpte opp gardar i Romsdal, som han selde vidare til folk frå Indre Sogn som så vandra ut frå heimbygdene. Han kom tidleg i kontakt med Hans Nielsen Hauge, og var sentral i lekmannsrørsla i indre delar av Sogn. I 1838 vart han medlem av det fyrste heradsstyret i Luster.
Nes representerte Nordre Bergenhus amt på omframstortinget 1814, og på Stortinget 1815-16 og i 1833. Han var i 1815-16 medlem av tre komitear, kyrkjekomiteen den eine og om sal av embetsgardar ein annan. I 1833 var han medlem av næringskomiteen.
Nes døydde på garden sin i Luster i 1853.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Torgeir Halvardsson Nes NSD Norsk senter for forskningsdatas politikararkiv