Tori Bowie
Frentorish Bowie, kjend som Tori Bowie (27. august 1990–23. april 2023) var ein USA-amerikansk friidrettsutøvar frå Sand Hill i delstaten Mississippi som vart verdsmeister på 100 meter i 2017. Ho har òg vunne gull i 4 x 100 m stafett under Sommar-OL 2016 og VM i friidrett 2017.
| Tori Bowie | |
|
| |
| Statsborgarskap | USA |
| Fødd | 27. august 1990 Sand Hill |
| Død |
23. april 2023 (32 år) |
| Idrett | friidrett |
| Tok del i |
VM i friidrett 2015 – 100 meter damer, VM i friidrett innendørs 2014, Friidrett under Sommer-OL 2016 – 4 × 100 meter stafett kvinner, Friidrett under Sommer-OL 2016 – 100 meter kvinner, Friidrett under Sommer-OL 2016 – 200 meter kvinner, VM i friidrett 2017 – 100 meter kvinner, VM i friidrett 2017 – 4 × 100 meter stafett kvinner |
Karriere endre
Bowie tok steget opp i den nasjonale eliten i sprint og lengdehopp i 2013-sesongen, med personbeste 11,14 på 100 m og 6,91 i lengde. I 2014 vann ho 200 meter i DL-stemnet i Eugene på ny pers, 22,18. Ho vann 100-meteren i tre DL-stemne og sette ein glitrande personleg rekord med 10,80 i Monaco. I 2015 vann ho bronsemedaljen på 100 m då ho debuterte i friidretts-VM 2015.
OL-sesongen 2016 flytta Bowie sine personlege rekordar til 10,78 på 100-meter og 21,77 sekundar på 200-meter, begge oppnådd i Eugene i delstaten Oregon. Ho tok sølv på 100 meter, bronse på 200 m og fullførte medaljehaustinga då ho sprang USA inn til gull i 4 x 100 m stafett, etter at Tianna Bartoletta, Allyson Felix og English Gardner hadde lagt grunnlaget.
Under verdsmeisterskapen 2017 i London stupte ho over målstreken og tok gullmedaljen på 100 meter, ein hundredels sekund framom Marie-Josée Ta Lou frå Elfenbeinskysten. Ho deltok ikkje på 200 meter, men fekk gleda av å sikre eit nytt gull til USA i 4 x 100 m stafett, saman med Aaliyah Brown, Allyson Felix og Morolake Akinosun.
Medaljar og plasseringar i internasjonale meisterskap endre
Kjelder endre
- Denne artikkelen bygger på «Tori Bowie» frå Wikipedia på engelsk, den 13. august 2017.