Trond H. Wirstad
Trond Halvorsen Wirstad (5. juni 1904–4. oktober 1985) var ein norsk gardbrukar og politikar frå Lunner i Oppland. Han representerte Bondepartiet/Senterpartiet på Stortinget frå 1950 til 1969.
| Trond H. Wirstad | |
| Statsborgarskap | Noreg |
| Fødd | 15. juni 1904 Lunner |
| Død |
4. oktober 1985 (81 år) |
| Yrke | politikar, bonde |
| Språk | norsk |
| Politisk parti | Senterpartiet |
Wirstad gjekk jordbruksskule i 1922/23 og tok over farsgarden i Lunner i 1935, eit bruk han dreiv til 1973. Ved sidan av var han klokkar i Lunner kyrkje i 34 år, 1947-81. Han var medlem i heradsstyret frå 1945 til 1963, ordførar 1948-51.
Wirstad vart hausten 1949 vald inn på Stortinget frå Oppland og for Bondepartiet, og vart attvald fire gongar etter einannan. I perioden 1950-53 var han medlem i Protokollkomiteen, deretter 1954-55 i Sosialkomiteen. Sidan 1956 var han heile tida med i Samferdslekomiteen, formann 1956-57 og 1961-65, nestformann 1965-69.
Heime i Lunner var Wirstad ein sentral figur i kristenlivet, mellom anna som mangeårig formann i lokalforeininga i Det Norske Misjonsselskap og i soknerådet, samt for Lunner aldershjem. Frå 1969 til -73 var han styreformann i Postverket.