Tryggleik
Tryggleik syner til ein tilstand eller ei kjensle av fråvære av fare no og i framtida, for ein sjølv og eigen eigedom og for dei ein kjenner ansvar for, eller har medkjensle med.
Tryggleik kan i ein viss mon kjøpast i form av forsikringar i private forsikringsselskap, ved å leige vektar frå vaktselskap, bygga sikre hus og gjerde og så bortetter, eller kan ytast av offentlege instansar i form av gratis eller subsidiert og snøgg legehjelp og sjukehusopphald, uføre- og alderspensjonar, hjelp ved arbeidsløyse, gratis skulegang og anna opplæring, tilgang til rettsleg hjelp når eins rettar vert krenkte, snøgg hjelp frå politi, brannvern og andre bergingsinstansar når det er turvande osb.
