Tumbling Dice
| «Tumbling Dice» Singel av The Rolling Stones frå albumet Exile on Main St. | ||
| B-side |
«Sweet Black Angel» | |
|---|---|---|
| Språk | engelsk | |
| Utgjeve | 14. april 1972 | |
| Innspelt | Villa Nellcôte, Villefranche-sur-Mer, Frankrike, juli til november 1971 | |
| Sjanger | Rock | |
| Lengd | 3:45 | |
| Selskap | Rolling Stones Records | |
| Komponist | Mick Jagger, Keith Richards | |
| Tekstforfattar | Mick Jagger, Keith Richards | |
| Låtskrivar(ar) | Jagger/Richards | |
| Produsent | Jimmy Miller | |
| The Rolling Stones-kronologi | ||
| «Wild Horses» (1971) |
«Tumbling Dice» | «Happy» (1972)
|
«Tumbling Dice» er ein song av The Rolling Stones frå dobbeltalbumet Exile on Main St. frå 1972, og den første singelen frå albumet. Han er skriven av Mick Jagger og Keith Richards. Singelen nådde sjuandeplassen i USA, femteplassen i Storbritannia og sjetteplassen i Noreg. Grunnsporet til songen vart spelt inn i kjellaren i det franske chateau Villa Nellcôte den 3. august 1971. Mick Taylor, sologitarist i the Rolling Stones, spelte bass på songen, sidan Bill Wyman var borte denne kvelden, medan Mick Jagger spelar gitar.
Teksten omhandlar ein gamblar som ikkje klarar å vere trufast mot kvinner. Mange artistar har spelt utgåver av songen i så forskjellige stilar som reggae, bluegrass og støyrock. Linda Ronstadt gav ut songen på singel i 1978.
Innspeling
endre«Good Time Women», ei tidleg utgåve av «Tumbling Dice», vart innspelt under innspelinga av albumet Sticky Fingers. Songen er ein bluesaktig boogie-woogie med dominerande piano av Ian Stewart. Dei to songane har same akkordprogresjon og ein liknande melodi. «Good Time Woman» manglar derimot opningsgitaren, korvokalen og rytmen som driv «Tumbling Dice».
«Tumbling Dice» vart spelt inn i kjellaren i chateau Villa Nellcôte, nær Villefranche-sur-Mer i Frankrike. Både Charlie Watts og produsent Jimmy Miller spelte trommer samstundes på albumutgåva av songen. Jagger har sagt at «Tumbling Dice» vart skriven til gitarriffet til Keith Richards, og at han omhandlar gambling og kjærleik, noko han kallar eit gammalt bluestriks.[1]
Singelen vart gjeven ut 14. april 1972. Han var den 23. singelen til the Rolling Stones i USA, og den 17. i Storbritannia. B-sida til singelen var «Sweet Black Angel», ein song skriven av Jagger om Black Panther-aktivisten Angela Davis.
Songen har ei uregelmessig tekstform. Mange songar har like mange linjer i kvart vers og refreng. I denne songen har førsteverset åtte linjer, andreverset sekslinjer og sisteverset to linjer. Det første refrenget har to linjer, det andre tre linjer og det tredje har tolv linjer.
Konsertar
endreThe Rolling Stones spelte «Tumbling Dice» første gong på konsert den 3. juni 1972 i Vancouver i Canada. Sidan den gong er det berre fire ordinære turnekonsertar der the Stones ikkje har spelt songen. Tre konsertutgåver er gjevne ut på album, Stripped, Love You Live og Shine a Light.
Medverkande
endre- Mick Jagger – solovokal, rytmegitar[2]
- Keith Richards – sologitar, korvokal[2]
- Mick Taylor – bass[2]
- Charlie Watts – trommer[2]
- Jimmy Miller – trommer (coda)[2]
- Nicky Hopkins – piano[2]
- Bobby Keys – saksofon[2]
- Jim Price – trompet, trombone[2]
- Clydie King, Venetta Fields, Sherlie Matthews – korvokal[2]
Salslister
endre| Liste (1972) | Plassering |
|---|---|
| Belgia (Ultratop 50 Flandern)[3] | 28 |
| Canada Top Singles (RPM)[4] | 7 |
| Tyskland (Media Control AG)[5] | 17 |
| Irland (IRMA)[6] | 14 |
| Noreg (VG-lista)[7] | 6 |
| Nederland (Mega Single Top 100)[8] | 5 |
| UK Singles (Official Charts Company)[9] | 5 |
| US Billboard Hot 100[10] | 7 |
Ettermæle
endreMusikkmagasinet Rolling Stone rangerte songen på 433. plass på lista deira over dei 500 største songane gjennom tidene, medan musikkmagasinet Q plasserte songen på 258. plass på deira liste over dei 1001 største songane gjennom tidene.
Andre utgåver
endreLinda Ronstadt hadde ein hit med «Tumbling Dice» i 1978. Andre artistar som har spelt songen er mellom andre Hilary Rosen, Pussy Galore, Skrewdriver, Owen Gray, Barry Goldberg, Molly Hatchet og Bon Jovi.
Kjelder
endre- Denne artikkelen bygger på «Tumbling Dice» frå Wikipedia på engelsk, den 4. mars 2009.
- Wikipedia på engelsk oppgav desse kjeldene:
- Black, Johnny (2003). «"The Greatest Songs Ever! Tumbling Dice"». Blender.
- Erlewine, Stephen Thomas. ««Tumbling Dice»». Allmusic.
- Karnbach, James og Berson, Carol (1997). "It's Only Rock og Roll - The Ultimate Guide to the Rolling Stones". Facts On File. ISBN 0816035474.
- Kaye, Lenny (1972). ««Tumbling Dice» Puts the Cherry on the First Side of "Main Street"». Rolling Stone.
- Marsh, David. «Rosen rapes Rolling Stones». Starpolish.
- Marsh, David with Swenson, John (1979). The Rolling Stone Records Guide. Random House.
- Robinson, Lisa (1978). «"Linda Ronstadt, The Hit Parader Interview",». Hit Parader.
- Wyman, Bill (2002). "Rolling with The Stones". DK Publishing, New York. ISBN 0-7894-8967-8.
- ↑ Jump Back: The Best of the Rolling Stones: «Tumbling Dice»
- ↑ 2,0 2,1 2,2 2,3 2,4 2,5 2,6 2,7 2,8 Margotin, Philippe; Guesdon, Jean-Michel (2016). Rolling Stones All the Songs: The Story Behind Every Track (på engelsk). Hachette Books. ISBN 9780316317733. Arkivert frå originalen den 22. august 2017.
- ↑ "Ultratop.be – The Rolling Stones – Tumbling Dice" (på nederlandsk). Ultratop 50. Ultratop & Hung Medien / hitparade.ch. Henta 28. mars 2018.
- ↑ "RPM Top Singles." RPM. Library and Archives Canada. Retrieved 28. mars 2018.
- ↑ "The Rolling Stones - Tumbling Dice". Charts.de. Media Control. Henta 28. mars 2018.
- ↑ "The Irish Charts – Search Results – Tumbling Dice". Irish Singles Chart. Retrieved 18. juni 2016.
- ↑ "Norwegiancharts.com – The Rolling Stones – Tumbling Dice". VG-lista. Hung Medien. Henta 28. mars 2018.
- ↑ "Dutchcharts.nl – The Rolling Stones – Tumbling Dice" (på nederlandsk). Mega Single Top 100. Hung Medien / hitparade.ch. Henta 28. mars 2018.
- ↑ "Chart Stats – Rolling Stones – Tumbling Dice" UK Singles Chart. Chart Stats. Henta 28. mars 2018.
- ↑ "Rolling Stones?f=379&g=Singles The Rolling Stones Album & Song Chart History" Billboard Hot 100 for The Rolling Stones. Prometheus Global Media. Henta 28. mars 2018.
Bakgrunnsstoff
endre| 87: «All My Friends» LCD Soundsystem |
Plassering på lista til Rolling Stone frå 2021 over dei 500 beste songane gjennom tidene 86 «Tumbling Dice» The Rolling Stones |
85: «Kiss» Prince |
| 434: «Smoke on the Water» Deep Purple |
Plassering på lista til Rolling Stone frå 2010 over dei 500 beste songane gjennom tidene 433 «Tumbling Dice» The Rolling Stones |
432: «American Idiot» Green Day |