Turmus Ayya
Turmus Ayya (arabisk ترمسعيّا, hebraisk skrift תורמוס עיא) er ein palestinsk by som ligg i Ramallah og al-Bireh guvernement på Vestbreidda. I området rundt ligg landsbyane Sinjil (سنجل), Khirbet Abu Falah (خربة ابو فلاح) og den israelske busetjinga Shilo. I følgje Palestinsk statistisk sentralbyrå (PCBS) hadde han eit folketal på 3 736 i 2007.[2]
| Turmus 'Ayyā | |||
| ترمسعيّا, Turmus'ayyeh, Tourmous Ayyeh | |||
| kommune | |||
 | |||
| Namneopphav: Thormasia[1] | |||
| Land |  Dei palestinske territoria
| ||
|---|---|---|---|
| Guvernement | Ramallah og al-Bireh guvernement | ||
| Koordinatar | 32°02′09″N 35°17′10″E / 32.03583°N 35.28611°E | ||
| Areal | 17,6 km² | ||
| Folketal | 3 736 (2007) | ||
| Folketettleik | 212 / km² | ||
 Turmus Ayya 32°02′09″N 35°17′10″E / 32.035833333333°N 35.286111111111°E | |||
  Kart som viser Turmus Ayya.
| |||
| Wikimedia Commons: Turmus Ayya | |||
Geografi
endre
Turmus Ayya ligg 22 km nordaust for byen Ramallah. Han dekkjer kring 18 kvadratkilometer og ligg 720 moh. Han er den nordlegaste byen i Ramallah-distriktet. Turmus Ayya har same klima som resten av det sentrale Vestbreidda, med regn om vinteren, og tørre, varme somrar.
Historie
endreI 1596 var Turmus Ayya oppført i osmanske skattelister som ein del av Quds nahiya i Quds liwa. Han hadde eit folketal på 43 hushaldningar, alle muslimar, og betalte skatt for kveite, bygg, oliventre, vindruer, frukttre, geiter og/eller bikubar.[3]
Den franske oppdagaren Victor Guérin vitja landsbyen i 1870, og fann her eldgamle cisterner, hus bygde av tilskjerte steinar, ein øydelagd overliggar med ein krans inngravert og fragment av ei søyle.[4] Han skreiv vidare at landsbyen hadde kring 700 innbyggjarar, og vart styrt av to sjeikar og delt inn i to forskjellige område. Somme av dei gamle cisternene var nesten tørre, og kvinnene måtte hente vatn anten frå Ain Siloun eller Ain Sindjel.[5]
Palestine Exploration Fund skildra i Survey of Western Palestine i 1882 Turmus 'Aya som «ein landsby på ei låg høgd, med ei frodig slette, og ei kjelde i sør. Landsbyen er mellomstor, og omgjeve av frukttre. I sør, ved foten av høgda, ligg ein i augefallande kvit kuppel over den heilage staden.»[6]
I folketeljinga i 1922, utført av Dei britiske mandatstyresmaktene, hadde Turmus Ayya eit folketal på 707, alle muslimar,[7] medan han i folketeljinga i 1931 hadde 185 busette hus og eit folketal på 717, alle muslimar, utanom éi kristen kvinne.[8]
I 1945 var folketalet 960, alle arabarar, medan det samla landarealet var 17 611 mål, i følgje ei offisiell landmåling.[9] Av dette var 3 665 for plantasjar og irrigert land, 7 357 for korn,[10] medan 54 mål var klassifisert som utbygde område.[11]
Kjelder
endre- Denne artikkelen bygger på «Turmus Ayya» frå Wikipedia på engelsk, den 22. september 2015.
- Wikipedia på engelsk oppgav desse kjeldene:
- Conder, Claude Reignier; Kitchener, H. H. (1882). The Survey of Western Palestine: Memoirs of the Topography, Orography, Hydrography, and Archeology 2. London: Committee of the Palestine Exploration Fund.
- Guérin, Victor (1875). Description Géographique Historique et Archéologique de la Palestine. Vol 2: Samarie, pt. 2.
- Hadawi, Sami (1970), Village Statistics of 1945: A Classification of Land and Area ownership in Palestine, Palestinsk frigjeringsorganisasjon forskingssentral
- Hütteroth, Wolf-Dieter; Abdulfattah, Kamal (1977). Historical Geography of Palestine, Transjordan and South Syria in the Late 16th Century. Erlanger Geographische Arbeiten, Sonderband 5. Erlangen, Tyskland: Vorstand der Fränkischen Geographischen Gesellschaft.
- Mills, E., red. (1932). Census of Palestine 1931. Population of Villages, Towns and Administrative Areas (PDF). Jerusalem: Government of Palestine.
- Palmer, E. H. (1881). The Survey of Western Palestine: Arabic and English Name Lists Collected During the Survey by Lieutenants Conder og Kitchener, R. E. Transliterated and Explained by E.H. Palmer. Committee of the Palestine Exploration Fund.
- Socin, A. (1879). «Alphabetisches Verzeichniss von Ortschaften des Paschalik Jerusalem». Zeitschrift des Deutschen Palästina-Vereins 2: 135–163.
- ↑ Palmer, 1881, s. 246
- ↑ 2007 PCBS Census. Palestinsk statistisk sentralbyrå. s.112.
- ↑ Hütteroth and Abdulfattah, 1977, s. 113.
- ↑ Guérin, 1875, s. 28, som omsett i Conder og Kitchener, 1882, s. 378
- ↑ Guérin, 1875, s. 28
- ↑ Conder og Kitchener, 1882, s. 292
- ↑ J. B. Barron, red. (1923). Palestine: Report and General Abstracts of the Census of 1922. Government of Palestine. Table VII, Ramallah underdistrikt.
- ↑ Mills, 1932, s. 51.
- ↑ Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 65
- ↑ Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 113
- ↑ Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 163
