Tvillingbolle

Tvillingbolle er eit drikkekar som består av to bollar som heng saman i sida. Tvillingbollar blei brukt på bygdene i Noreg på 1600-, 1700- og 1800-talet til å drikka øl av. Dei er utskorne av eitt stykke tre, og det er opning i veggen mellom dei to bollane slik at ølet kan renna fritt mellom dei. Desse tvillingbollane har truleg vore brukt som «skjemtekar».

Tvillingbolle datert 1738 frå Valle i Aust-Agder, lengd 12,2 cm. Norsk Folkemuseum NF.1927-1279.

Foto: Anne-Lise Reinsfelt

Tvillingkar av denne typen har vore brukt i Europa frå førhistorisk tid. Det er mogleg at dei opphavleg har hatt ein rituell funksjon ved handlingar utført i samband med forbrødring og giftarmål. Det finst opplysinger om at ungarske tvillingkar frå seinare tid var bestemt for brud og brudgom.

Sjå òg

• Trillingbolle
• Klunkeflaske
• Ølfugl

Kjelder

• Denne artikkelen bygger på «Tvillingbolle» frå Wikipedia på bokmål, den 14. november 2017.

Litteratur

• Gjærder, Per (1975): Norsk drikkekar av tre. Bergen – Oslo – Tromsø
• Østby, Jon Birger (1983): Nomenklatur for drikkestell, med tegninger av Torill Sand. Oslo

Bakgrunnsstoff

• Tvillingbolle på DigitaltMuseum