Ugadi

Ugadi (ugādi, samvatsarādi, yugadi) er tradisjonell nyttårsdag for folk i dei indiske delstatane Andhra Pradesh, Telangana , Karnataka og Maharashtra.^[1] Han fell på den første dagen av månaden tsjaitra i hindukalenderen.^[2] Dette svarer typisk til mars eller april i den vestlege kalenderen.^[2]

Under feiringa av dagen lagar ein fargerike bakketeikningar (kolamulus eller rangoli), pynter dører med mangoblad (toranalu, kannada torana), kjøper og gjev vekk gåver som nye klede, gjev almisser til fattige og vitjar hindutempel. Ein kan ta spesielle bad med oljebehandling etter, og det er vanleg å tilreia og et ein særskild type mat kalla pachadi.^[3]^[4] Retten pachadi inneheld alle smakane – søt, sur, salt og bitter. I telugu- og kannadatradisjonar er dette ei symbolsk påminning på at ein må forventa alle slags «smakar» i det ein vil oppleva i det nye året.^[5]

Ugadi har lenge hatt ei viktig stilling blant hinduar i områda der han blir feira. Tekstar og inskripsjonar frå mellomalderen nemner store gåver til tempel og sosiale senter på denne dagen.^[6] Den same dagen blir feira som nyttår av hinduar i mange andre delar av India, til dømes som gudi padwa i Maharashtra.

Kjelder

↑ Karen-Marie Yust (2006). Nurturing Child and Adolescent Spirituality: Perspectives from the World's Religious Traditions. Rowman & Littlefield. s. 228–229. ISBN 978-0-7425-4463-5.
↑ ^2,0 ^2,1 Roshen Dalal (2010). Hinduism: An Alphabetical Guide. Penguin Books. s. 427. ISBN 978-0-14-341421-6.
↑ Maithily Jagannathan (2005). South Indian Hindu Festivals and Traditions. Abhinav Publications. s. 77–78. ISBN 978-81-7017-415-8.
↑ Jeaneane D. Fowler (1997). Hinduism: Beliefs and Practices. Sussex Academic Press. s. 72–73. ISBN 978-1-898723-60-8. ^{[daud lenkje]}
↑ Narayanan, Vasudha (1999). «Y51K and Still Counting: Some Hindu Views of Time». Journal of Hindu-Christian Studies (Butler University) 12 (1): 17–18. doi:10.7825/2164-6279.1205.
↑ K.V. Raman (2003). Sri Varadarajaswami Temple, Kanchi: A Study of Its History, Art and Architecture. Abhinav Publications. s. 97–98. ISBN 978-81-7017-026-6.

Denne artikkelen bygger på «Ugadi» frå Wikipedia på engelsk, den 14. april 2018.

[1] Karen-Marie Yust (2006). Nurturing Child and Adolescent Spirituality: Perspectives from the World's Religious Traditions. Rowman & Littlefield. s. 228–229. ISBN 978-0-7425-4463-5.

[dalal427-2] 2,0 ^2,1 Roshen Dalal (2010). Hinduism: An Alphabetical Guide. Penguin Books. s. 427. ISBN 978-0-14-341421-6.

[Jagannathan2005p77-3] Maithily Jagannathan (2005). South Indian Hindu Festivals and Traditions. Abhinav Publications. s. 77–78. ISBN 978-81-7017-415-8.

[Fowler1997p72-4] Jeaneane D. Fowler (1997). Hinduism: Beliefs and Practices. Sussex Academic Press. s. 72–73. ISBN 978-1-898723-60-8. ^{[daud lenkje]}

[narayanan18-5] Narayanan, Vasudha (1999). «Y51K and Still Counting: Some Hindu Views of Time». Journal of Hindu-Christian Studies (Butler University) 12 (1): 17–18. doi:10.7825/2164-6279.1205.

[6] K.V. Raman (2003). Sri Varadarajaswami Temple, Kanchi: A Study of Its History, Art and Architecture. Abhinav Publications. s. 97–98. ISBN 978-81-7017-026-6.

[1]

[2]

[3]

[4]

[5]

[6]