Umeå

Umeå er ein svensk by som ligg i Västerbottens län i Västerbotten. Han ligg ved utløpet av Ume älv i Bottenviken og er administrasjonssenter både for Västerbottens län og Umeå kommun. Bykjernen Umeå har 79 594 innbyggjarar (31. desember 2010), medan kommunen har rundt 110 000 innbyggjarar.

Umeå
by
Våpenskjold
Land	Sverige
Län	Västerbotten
Landskap	Västerbotten
Areal	3 632 km²
Folketal	94 243 (31. desember 2023)
Umeå 63.828453583518°N 20.270566462023°E / 63.828453583518; 20.270566462023
Wikimedia Commons: Umeå

Umeå er ein viktig industristad med trevare- og treforedlingsindustri, karosserifabrikk og meir. Umeå er eit viktig handelssentrum og kommunikasjonsknutepunkt for jernbane og E4. Hamna i byen ligg i Holmsund, 18 km søraust for sentrum. Frå her er det ferjesamband til Vasa i Finland. Her er ein innanriksflyplass.

Umeå universitet, det nordlegaste i Sverige, vart grunnlagt 1963. I tillegg ligg her kunsthøgskule og andre skular, Norrlandsoperan, fleire museum, eit regionssjukehus, regionkontor for Sveriges Radio og Sveriges Television.

Det nordlegaste av dei tre statlege arkiva for innsamling av tradisjonsstoff i Sverige ligg i Umeå (Dialekt-, ortnamns- och folkminnesarkivet i Umeå (DAUM)).

Soge

Umeå fekk bystatus i 1588 av Johan III av Sverige.

Ein brann 25. juni 1888 øydela nesten heile byen. Ingen menneske omkom i brannen, men kring 2 300 av 3 000 innbyggjarar i byen blei heimlause.

Venskapsbyar

Harstad er den norske venskapsbyen. Andre venskapsbyer er Vasa i Finland, Helsingør i Danmark, Würzburg i Tyskland, Petrozavodsk i Russland, Saskatoon i Canada og Oxford i England.

Galleri

• 
  Umeå cirka år 1700.
• 
  Sentrale Umeå sett frå Hamrinsberget.
• 
  Vänortsparken.

Sjå òg

• Umeå Universitet

Bakgrunnsstoff

Commons har multimedium som gjeld: Umeå

• Offisiell nettstad