Værnes haldeplass

Værnes haldeplass er ein jernbanehaldeplass på Nordlandsbanen. Haldeplassen ligg ved Trondheim lufthamn, Værnes, 33 kilometer frå Trondheim stasjon. Nabostasjonane er Hell i sør og Stjørdal i nord.

Værnes haldeplass
Stasjonsområde
Stad	Trondheim lufthamn, Værnes
Koordinatar	63°27′13,8″N 10°54′50,9″E
Distanse	33,0 km frå Trondheim stasjon
Høgd	5 moh.
Opna	1994
Linjer og rutedrift
Linje(r)	Nordlandsbanen
Overgang

Haldeplassen vart opna i 1994 for å betre sambandet mellom fly og tog. Den ligg på vestsida av flyterminalen, er direkte kopla mot denne, og har ein gangavstand på om lag 200 meter til flyplassen. Nordover går jernbanelinja i tunnel under hovudrullebanen. I tillegg til NSB sine lokaltog stanser òg regiontoga på Nordlandsbanen ved Værnes haldeplass.

Utbygging

Værnes har inntil vidare eitt spor, det vestlege, men det er planlagt eit spor på austsida av plattforma. Dette bli planlagt bygd i den nye sporplanen som skal utarbeidast mellom Hell stasjon og Stjørdal stasjon. Dette skjer i samband med bygging av ny bru over Stjørdalselva. Prosjektet har fått dei første løyvingane over statsbudsjettet i 2013. og er planlagt opna i 2021 samstundes med at ERTMS blir innført. I tillegg er det planlagt elektrifisering av strekninga Trondheim - Steinkjer med byggestart i 2017.

Bakgrunnsstoff

• Jernbaneverket si informasjonsside om Værnes
• Værnes i Stasjonsoversikta til NSB
• Stasjonsdatabasen til Norsk Jernbaneklubb: Nordlandsbanen

Førre stasjon		Jernbaneverket		Neste stasjon
Stjørdal		Nordlandsbanen		Hell
Regionaltrafikk
Stjørdal	26	Lerkendal - Trondheim S - Steinkjer		Hell
Fjerntrafikk
Stjørdal	71	Bodø - Trondheim S		Trondheim S