Valdivia
Valdivia (spansk uttale: [balˈdiβja]; mapuche: Ainil) er ein by i det sørlege Chile, administrert av Valdivia kommune. Byen er oppkalla etter grunnleggjaren Pedro de Valdivia og ligg ved samanløpet av elvane Calle-Calle, Valdivia og Cau-Cau, omtrent 15 km aust for kystbyane Corral og Niebla. Valdivia vart grunnlagt i 1552 og blei ein spansk enklave i eit område dominert av mapuche urfolksgrupper. I ein periode var byen Valdivia og Chiloé-øyane dei to sørlegaste utstikkarane av det spanske imperiet.
| Valdivia | |||||
|---|---|---|---|---|---|
 | |||||
| |||||
| Styresmakter | |||||
| Land Region |
Chile Los Ríos-regionen | ||||
| Geografi | |||||
| Flatevidd | 1 016 km² | ||||
| Innbyggjarar | 150 048 (2017) | ||||
| Innbyggjarar - By (2017) |
150 048[1] | ||||
| Høgd over havet | 5 m | ||||
| Tidssone | UTC-04:00, UTC-03:00 (UTC) | ||||
| Diverse anna | |||||
| Heimeside: http://www.munivaldivia.cl/ | |||||
| Nettstad: www.munivaldivia.cl/web/ | |||||
| Plassering | |||||
 | |||||
Frå 1645 til 1740 var byen direkte avhengig av visekongedømmet Peru, som finansierte bygginga av det valdiviske fortsystemet som gjorde Valdivia til ein av dei mest styrkte byane i den nye verda.[2] På midten av 1800-talet var Valdivia inngangsporten for tyske immigrantar som slo seg ned i byen og områda rundt.
Det store chilenske jordskjelvet i 1960 gjorde alvorlege skadar i Valdivia. Dette er det kraftigaste jordskjelvet som nokon gong er registrert med ein styrke på 9,5.[3] Jordskjelvet forårsaka ca. 2 meter med nedsøkking rundt Valdivia og lèt etter seg store område med tidlegare beitemarker og dyrka mark permanent overfløymde.[4] I dag er det ulike verna våtmarker[5] innanfor det urbaniserte området Valdivia så vel som i utkanten.[6]
Sidan oktober 2007 har Valdivia vore hovudstaden i Los Ríos-regionen og er også hovudstaden i Valdivia-provinsen. Den nasjonale folketeljinga for 2017 registrerte at kommunen Valdivia hadde 166 080 innbyggjarar (Valdivianos), og 150 048 budde i byen.[7] Dei viktigaste økonomiske aktivitetane til Valdivia inkluderer turisme, tremasseproduksjon, skogbruk, metallurgi og ølproduksjon. Byen er også heimen til Universidad Austral de Chile, grunnlagd i 1954 og Centro de Estudios Científicos, ein privat forskingsinstitusjon.
Kjelder
endre- Denne artikkelen bygger på «Valdivia» frå Wikipedia på engelsk, den 14. januar 2023
- Referanar
- ↑ 1,0 1,1 http://geoine-ine-chile.opendata.arcgis.com/pages/publicaciones.
- ↑ «The Defensive Complex of Valdivia». Entry on the UNESCO Tentative List. Henta 15. august 2007.
- ↑ U.S. Geological Survey (March 7, 2006). Historic Earthquakes – Chile – 1960 May 22 19:11:14 UTC – Magnitude 9.5: The Largest Earthquake in the World. Arkivert 2009-10-07 ved Wayback Machine. Henta 14. januar 2023
- ↑ Ramirez, C., E. Carrasco, S. Mariani & N. Palacios. 2006. La desaparición del luchecillo (Egeria densa) del Santuario del Rio Cruces (Valdivia, Chile): una hipótesis plausible. Ciencia & Trabajo, 20: 79-86
- ↑ «Ley de Humedales Urbanos 21.202 y su Reglamento». Ministerio del Medio Ambiente (på spansk). Styresmakta i Chile. Henta 14. januar 2023.
- ↑ Vallejos, Gabriel; Salgado, Daniela (10. desember 2021). «Reconocen como humedales urbanos a Angachilla y el sector de Isla Teja en Valdivia». Radio Bío-Bío (på spansk). Henta 14. januar 2023.
- ↑ «Ciudades, pueblos, aldeas y caceríos 2019» (PDF) (på spansk). National Statistics Institute. 2019. Henta November 1, 2020.
