Veronica Guerin
Veronica Guerin (5. juli 1958–26. juni 1996) var ein irsk journalist som blei drepen i arbeidet.
| Veronica Guerin | |
 | |
| Statsborgarskap | Irland |
| Fødd | 5. juli 1959 Dublin |
| Død |
26. juni 1996 (36 år) |
| Yrke | rekneskapsførar, journalist, skribent, fotballspelar |
| Språk | irsk, engelsk |
| Veronica Guerin på Commons | |
Guerin var student ved Trinity College i Dublin der ho studerte rekneskap. Mellom 1983 og 1984 verka ho som sekretær for partiet Fianna Fáil i New Ireland Forum. Ho begynte å jobba som journalist i 1990, og skreiv for avisene Sunday Business Post og Sunday Tribune. I 1994 tok ho til å dekka kriminalitet i Irland for Sunday Independent. Som følgje av dette fekk ho fleire drapstruslar.
I desember 1995 blei Guerin tildelt International Press Freedom Award av pressefridomsorganisasjonen Committee to Protect Journalists.[1]
26. juni 1996 vart Veronica Guerin drepen med fleire skot av ein passasjer på ein motorsykkel medan bilen hennar stoppa for eit traffiklys.[2] Hendinga skapte sterke kjensler på Irland, og blei erklært eit «åtak på demokratiet» av den irske regjeringssjefen John Bruton.[2]
Filmen Veronica Guerin som bygde på livet hennar vart laga i 2003. Cate Blanchett hadde hovudrolla.
Kjelder
endre- ↑ "Veronica Guerin". Gale Encyclopedia of Biography at Answers.com. Retrieved 2 August 2012.
- ↑ 2,0 2,1 Henry McDonald (9. april 2006). «10 years later, still no peace for Veronica Guerin». The Guardian. Henta 17. juli 2018.
- Denne artikkelen bygger på «Veronica Guerin» frå Wikipedia på engelsk, den 17. juli 2018.
Bakgrunnsstoff
endre- Veronica Guerin", IPI 50 World Press Freedom Heroes