Viareggio
Viareggio er ein by i provinsen Lucca i regionen Toscana i Italia med om lag 65 000 innbyggjarar.
| Viareggio | ||
|---|---|---|
 | ||
| Plassering | ||
  | ||
| Styresmakter | ||
| Land Region Provins |
 Italia Toscana Lucca | |
| Borgarmeister | Marco Marcucci | |
| Geografi | ||
| Flatevidd - By |
31,88 km² | |
| Innbyggjarar - Totalt (2005) - folketettleik |
63 276 1985/km² | |
| Koordinatar | 43°52′N 10°14′E / 43.867°N 10.233°E | |
| Høgd over havet | 2 m | |
| Diverse annan informasjon | ||
| Postnummer | 55049, 55048 | |
| Telefon-retningsnummer | 0584 | |
| Nettstad: www.comune.viareggio.lu.it | ||
Han ligg ved kysten av Tyrrenhavet i området kalla Versilia og er den nest største byen i provinsen.
Han er kjend som ein feriestad og for karnevalet i Viareggio (som har ei historie tilbake til 1873).
Byen har røter tilbake til første halvdel av 1500-talet då han vart den einaste hamna i Republikken Lucca. Den eldste bygningen i Viareggio er Torre Matilde og vart bygd av folk frå Lucca i 1541 som eit forsvarsverk mot sjørøvarar.
Viareggio er eit aktivt industri- og produksjonssenter der skipsbyggarindustrien lenge har vore kjend over heile verda. I tillegg er fiske og blomsterdyrking viktige næringar.
Det har lenge vore rivalisering mellom Viareggio og Lucca og innbyggjarane i Lucca kallar Viareggio for Marina di Lucca («Hamna til Lucca»). På den andre sida har innbyggjarane i Viareggio skrive songar som gjer narr av naboane sine i Lucca.
Bakgrunnsstoff endre
Wikimedia Commons har multimedia som gjeld: Viareggio
- Informasjon om Viareggio Arkivert 2014-12-18 ved Wayback Machine.
- viareggio-online.com Arkivert 2007-12-11 ved Wayback Machine.
- Karnivalet i Viareggio
Kjelder endre
- Denne artikkelen bygger på «Viareggio» frå Wikipedia på engelsk, den 9. januar 2008.