Vikingtida

Vikingtida er ein epoke i nordeuropeisk historie som strekker seg frå siste del av 700-talet til midten av 1000-talet. Ho var prega av vikingane, skandinaviske krigarar og handelsfolk som drog på tokt i Europa og spreidde vald og varer. Vikingtida overlappa og gjekk over i mellomalderen.

Biledsten med seglskip frå Smiss på Gotland.

Biledsten med seglskip frå 800-1099 frå Tjängvide på Gotland.

Avgrensing av vikingtida

Den angelsaksiske krønika nemner eit vikingtokt i Dorset i 787 evt., men tradisjonelt sett er det angrepet på klosteret på Lindisfarne i 793 som er rekna som start på vikingtida. Arkeologiske kjelder tyder likevel på at nordbuar dreiv handel og kanskje òg plyndring i Europa før dette. Utvikling av havgåande seglskip og handelsnettverk gjekk òg føre seg tidleg på 700-talet. Norske og engelske soger nemner slaget ved Stamford Bridge og slaget ved Hastings i 1066 som mogeleg avslutning av vikingtida.

Årsaker til at folk reiste i viking

Ein veit ikkje kvifor folk byrja dra i viking. Auka kongemakt og strenge straffer for plyndring i Noreg kan ha vore ei av årsakene. Forfattaren Torgrim Titlestad legg òg fram den trugande framferda til Karl den store i sin iver etter å kristne Europa som årsak. Særleg kan danane ha følt seg truga av frankarane etter at dei slost mot saksarane frå 770-talet. I år 782 skal Karl den store ha tvangsdøypt opp til 4500 saksiske mann ved byen Verden an der Aller i Niedersachsen for seinare å halshogge dei.

Kjelder

Referansar

Bibliografi

• Jon Vidar Sigurdsson, Norsk historie 800-1300. Det norske samlaget, Oslo 1999
• Krag, Claus, Norges historie fram til 1319. Universitetsforlaget, Oslo 2000

• Delar av denne artikkelen bygger på «Vikingtiden» frå Wikipedia på bokmål, den 4. november 2018.

Bakgrunnsstoff

• Arkeologinettstaden Gamle Naboar: Vikingtida Arkivert 2005-12-21 ved Wayback Machine.
• Vikingtida - presentasjon Arkivert 2005-01-17 ved Wayback Machine.
• Vikingtida- undervisingsopplegg Arkivert 2006-01-01 ved Wayback Machine.
• Familielivet i vikingtida
• Vikingtida (793-1066) - Daria.no
  Denne historieartikkelen er ei spire. Du kan hjelpe Nynorsk Wikipedia gjennom å utvide han.