Vjatsjeslav Skomorokhov
Vjatsjeslav Semjonovitsj Skomorokhov (4. oktober 1940–5. november 1992) var ein friidrettsutøvar frå Starobilsk som 1969 vart europameister på 400 meter hekk. Han representerte Sovjetunionen.
| Vjatsjeslav Skomorokhov | |
|
| |
| Statsborgarskap | Sovjetunionen |
| Fødd | 4. oktober 1940 Starobilsk |
| Død |
5. november 1992 (52 år) |
| Idrett | friidrett |
| Tok del i | |
| Utmerkingar |
Idrettens mester i Sovjetunionen |
Karriere endre
Skomorokhov deltok i EM i friidrett 1966 i Budapest på 110 meter hekk, der han vart nummer 7 på 14,2 sekund. Sidan gjekk han over til å tevle i 400 m hekk, sovjetmeister i fire år på rad frå 1968. Under dei olympiske sommarleikane i Mexico-byen hausten 1968 sette han personleg rekord på 49,61 i semifinalen. I finalen sprang han sitt livs løp og vart femtemann på tida 49,12, sekundet bak David Hemery som sette verdsrekord, men berre eitt tidels sekund bak sølvvinnaren.
Etter å ha vunne den sovjetiske meisterskapen i 1969 på 49,1 sekund, reiste Skomorokhov til europameisterskapen i Aten som ein av favorittane. Han innfridde og vann gullmedaljen på 49,7 sekund, fire tidelar framom John Sherwood frå Storbritannia. To år seinare enda Skomorokhov på sjuandeplassen i langhekk-finalen ved EM i friidrett 1971.
Skomorokhov var nesten dauv, han kunne såvidt høyre smellen frå startpistolen.
Kjelder endre
- Denne artikkelen bygger på «Wjatscheslaw Semjonowitsch Skomorochow» frå Wikipedia på tysk, den 27. august 2023.