Weinfelden

Weinfelden er ein kommune i kantonen Thurgau i Sveits. Kommunen har 10 141 innbyggjarar (2009) og eit areal på 16 km². Kommunesenteret ligg 432 meter over havet. Weinfelden er hovudstad i eit distrikt med same namnet.

Weinfelden
Horisonten til Weinfelden
Kommunevåpenet til Weinfelden
Plassering
Styresmakter
Land	Sveits
Kanton	Thurgau
Distrikt	Weinfelden
Språk	tysk
Geografi
Flatevidd  - kommune	15,5 km²
Innbyggjarar  - kommune (desember 2009)    - folketettleik	10 141   654,3 /km²
Koordinatar	47°34′0″N 9°6′0″E
Høgd over havet	432 moh.
Diverse annan informasjon
Postnummer	8570
Nettstad: www.weinfelden.ch

Etter som Weinfelden ligg i midten av kantonen, har ein del av kantonsadministrasjonen tilhald i byen. Også Thurgauer Kantonalbank har hovudsete i byen. I vinterhalvåret held kantonsrådet møta sine i Weinfelden.

Historie

Allereie i år 124 e.Kr. var det ei romersk bru over elva Thur ved Weinfelden. I romartida vart staden kalla Quivelda. Namnet Weinfelden er først dokumentert i 838.

Weinfelden var lenge den klart største byen i Thurgau. År 1798 leia Paul Reinhart frigjeringa av området, som til dess hadde vore underlagt det sveitsiske eidsforbundet. I 1803, etter oppløysinga av republikken Helvetia, vart Thurgau erklært ein sjølvstendig kanton i nettopp Weinfelden. Småbyen Frauenfeld vart hovudstad i kantonen.

Hausten 1830 tala Thomas Bornhauser til ei stor folkemengd i Weinfelden, der han kravde ei liberal grunnlov for kantonen. Den liberale grunnlova vart proklamert året etter, som ei av dei tidlegaste, demokratiske grunnlovene i Europa.

Portrett av både Paul Reinhart og Thomas Bornhauser heng i dag i rådhuset i Weinfelden.

Kjelder

• Denne artikkelen bygger på «Weinfelden» frå Wikipedia på tysk, den 5. oktober 2011.

Bakgrunnsstoff

Commons har multimedium som gjeld: Weinfelden