Werner von Moltke
Werner Konrad von Moltke (24. mai 1936–29. juli 2019 var ein tysk friidrettsutøvar og idrettsleiar. Han vart europameister i tikamp i 1966. Perioden 1989-97 var han visepresident i Deutschen Leichtathletik-Verbandes (Det tyske friidrettsforbundet) og deretter 1997-2012 president i Deutschen Volleyball-Verbands (Volleyballforbundet). Werner von Moltke ætta frå den mektige adelsslekta Moltke.
| Werner von Moltke | |
|
| |
| Statsborgarskap | Tyskland |
| Fødd | 24. mai 1936 Mühlhausen/Thüringen |
| Død | 29. juli 2019 (83 år) Nieder-Olm |
| Idrett | friidrett |
| Tok del i | Sommar-OL 1968 |
| Utmerkingar | Silbernes Lorbeerblatt, fortjenstkors med bånd av Forbundsrepublikken Tysklands fortjenstorden |
Aktiv
endreWerner von Moltke vart vesttysk meister i tikamp åra 1958, 1966 og 1968. Under europameisterskapen 1962 vann han sølvmedaljen – slått med fattige fire poeng av den dåverande verdsrekordhaldaren, sovjetiske Vasilij Dmitrijevitsj Kuznetsov.
Ved europameisterskapen 1966 i Budapest sigra Moltke og fekk landsmennene Jörg Mattheis og Horst Beyer med seg på sigerspallen. Same året presterte han sitt livs beste tikamp som etter den tids tabellar gav 7 961 poeng, etter dagens målestokk 7 849 poeng.
Medaljar og plasseringar i internasjonale meisterskap
endre- EM 1962 i Beograd: Sølvmedalje – 8 022 poeng, bakom Vasilij D. Kuznetsov (8 026 p)
- EM 1966 i Budapest: Gullmedalje – 7 740 poeng, framom Jörg Mattheis (7 614 p)
- OL 1968 i Mexico-byen: Braut etter to øvingar
Idrettsleiar
endreMoltke var frå 1966 til 1991 ansvarleg for idrettspolitikken til sportsutstyr-produsenten Adidas. Samstundes dreiv han i lang tid ei sportsforretning i Nieder-Olm der han budde og døydde, 83 år gammal.
Kjelder
endre- Denne artikkelen bygger på «Werner von Moltke» frå Wikipedia på tysk, den 25. juli 2020.