Wilkes-stasjonen

Wilkes-stasjonen var ein stasjon i Antarktis oppretta 29. januar 1957 av USA som ein av sju amerikanske stasjonar oppretta for Det internasjonale geofysiske året (IGY) i Antarktis. Han vart overteken av Australia den 7. februar 1959.

Wilkes-stasjonen
stasjon
Wilkes-stasjonen, 1957
Land	Antarktis
Stad	Wilkes Land
- koordinatar	66°15′25.6″S 110°31′32.2″E
Administrert under	Antarktistraktaten
Wilkes-stasjonen 66.2571°S 110.526°E / -66.2571; 110.526
Wilkes-stasjonen (Antarktis)
Wikimedia Commons: Wilkes Station

Bilete frå 1988 som syner dieseltønner i framgrunnen, oljesøk til venstre i midten. Skipet Icebird ligg ankra opp i Vincennes Bay. Den nye Casey-stasjonen ligg i horisonten til venstre i bilete.

Wilkes-stasjonen, 1988

Historie

Marinepersonell frå USA bygde hovudddelen av Wilkes-stasjonen i løpet av 16 dagar i januar og februar 1957, og lossa 11 000 tonn med materiale og forsyningar. Det tok eit mannskap på over 100 til å reise stasjonen som husa 24 marinepersonell og forskarar dei neste 18 månadane. Dette var på tida under den kalde krigen og det var uro frå USA og Australia kring den russiske aktiviteten i Antarktis. Wilkes vart rekna som strategisk med ei plassering nær den magnetiske sørpolen.

Australia tok over Wilkes i februar 1959. Men sjølv om Australia offisielt tok over operasjonen, mislikte det attverande amerikanske personellet å kome under australsk kontroll. Ein trekte seg derfor attende fram til 1961, då stasjonen kom heilt under ANARE sin kontroll.

I 1964 hadde bygningane vorte ein brannfare på grunn av drivstofflekkasje, og stasjonen vart gravlagd i snø og is. Den nye Casey-stasjonen vart utvikla på sørsida av Newcomb Bay, kring to kilometer over bukta for Wilkes. Denne kom i drift i 1969 og Wilkes vart nedlagt.

I dag

Wilkes-stasjonen er no nesten heilt dekt av is og dukkar berre stundom opp av isen under smelteperiodar, kring kvart fjerde til femte år.

Rydding

Det samla seg opp store mengder skrot og søppel ved Wilkes i dei 12 åra han var i drift, mellom anna kring 7000 oljetønner. Tidleg i 1988 starta eit prosjekt for å få rydde bort så mykje so mogeleg frå Wilkes-stasjonen.

Sjå òg

• Australian Antarctic Division
• Casey-stasjonen

Kjelder

• Denne artikkelen bygger på «Wilkes Station» frå Wikipedia på engelsk, den 19. mars 2014.
  • Wikipedia på engelsk oppgav desse kjeldene:

Bakgrunnsstoff

• Australian Antarctic Division Arkivert 2009-09-29 ved Wayback Machine.
• Wilkes History