Øverbygd
Øverbygd er ein tettstad i Målselv kommune med 243 innbyggjarar per 1. januar 2023. Staden var tidlegare sentrum for ein eigen kommune.
| Øverbygd | |||
| stad | |||
.jpg) | |||
| Land |  Noreg
| ||
|---|---|---|---|
| Fylke | Troms | ||
| Kommune | Målselv | ||
| Areal | 0,91 km² | ||
| Folketal | 243 (2023) | ||
| Folketettleik | 267 / km² | ||
| Preposisjon | i Øverbygd | ||
 Øverbygd kommune 69°01′27″N 19°17′45″E / 69.024166666667°N 19.295833333333°E | |||
Kommuneadminstrasjonen ligg på Moen. Bygda ligg øvst i Målselvdalen der Målselvdalen møter Rostadalen og Dividalen. Forsvaret er den viktigaste arbeidsplassen i bygda med Skjold leir (tidlegare Maukstadmoen og Holmen Leir) som ligg sentralt i bygda og har om lag 800 soldatar. I 2005 vart Filmcamp etablert i den gamle militærleiren på Holmen. Øverbygd har ein pub som heiter Kaffebrenneriet.
Øverbygd kommune 1925-1964 endre
Øverbygd var tidlegare ein eigen kommune. Opphavleg var Øverbygd ein del av Målselv formannskapsdistrikt, men vart skild ut som eigen kommune med 566 innbyggjarar 1. juli 1925.
Øverbygd kommune var den minste kommunen i Troms etter folketal frå han vart oppretta og fram til 1962, då han passerte Astafjord i folketal.
1. januar 1964 vart Øverbygd og Målselv kommunar med tillegg av garden Skogli ved Heia i Balsfjord, og Naveren og Målsnes i Malangen slegne saman til den nye Målselv kommune. Øverbygd hadde ved samanslåinga 1 232 innbyggjarar.
Folketalsutvikling endre
Folketalsutvikling for tidlegare Øverbygd kommune frå 1925 til 1964:
| 1.7.1925[1] | 1.12.1930[2] | 3.12.1946[2] | 1.1.1951[3] | 1.1.1961[3] | 1.1.1964[3] |
|---|---|---|---|---|---|
| 566 | 649 | 744 | 754 | 1176 | 1232 |
Kjelder endre
- ↑ Dag Juvkam, Historisk oversikt over endringer i kommune- og fylkesinndelingen (SSB, 1999)
- ↑ 2,0 2,1 Statistisk årbok for Norge 69. årgang, 1950 (Statistisk sentralbyrå, 1950)
- ↑ 3,0 3,1 3,2 Folkemengd i Øverbygd 1. januar kvart år frå 1951, frå Statistisk sentralbyrå