Øyvind Vågnes
Øyvind Vågnes (4. august 1972–7. januar 2025) var ein norsk forfattar som var fødd i Brattvåg og busett i Bergen.[1] Han debuterte litterært i 2003 med romanen Ingen skal sove i natt. For Ekko fekk han Nynorsk Litteraturpris 2005.[2]
| Øyvind Vågnes | |
| Nasjonalitet | Norsk |
| Statsborgarskap | Noreg |
| Fødd | 4. august 1972 (52 år) Ålesund kommune |
| Død |
7. januar 2025 |
| Yrke | Forskar |
| Periode | 2003-2025 |
| Debut | Ingen skal sove i natt |
Vågnes hadde doktorgraden (dr. art) ved Universitetet i Bergen, og arbeidde som forfattar, forskar, redaktør, omsetjar, og kritikar. Som forskar var Øyvind Vågnes knytt til ei rekkje prosjekt ved Universitetet i Bergen, Syddansk Universitet, og ved Københavns Universitet. Zaprudered: The Kennedy Assassination Film in Visual Culture (2011) vart ei av tre nominerte utgivingar i kategorien medie- og kulturstudier under den årlege utdelinga av American Publishers Awards for Professional and Scholarly Excellence.
På 2000-talet sat Vågnes i redaksjonen til det litterære tidsskriftet Vagant, og frå 2010 fungerte han som ansvarleg redaktør for journalen Ekfrase: Nordisk tidsskrift for visuell kultur (Universitetsforlaget). Omsetjingsarbeidet omfatta m.a. nyare nordamerikansk skjønnlitteratur (Don DeLillo, Lydia Davis, Rick Moody, David Means) og ei rekkje faglitterære artiklar.
Vågnes verka som kritikar i Morgenbladet og i Klassekampen, og skreiv om musikk i vekeavisa Dag & Tid frå 2000.
Utgjevingar
endre- Ingen skal sove i natt - roman (2003)
- Ekko - roman (2005)
- Sekundet før - roman (2010)
- Zaprudered: The Kennedy Assassination Film in Visual Culture - fagbok (2011)
- Kennedybildet - boksingel (2013)
- Den dokumentariske teikneserien - fagbok (2014)
- Sone Z - roman (2014)
- Den vesle blå haien - barnebok (2016)
- Ei verd utan hestar - roman (2022)
Prisar og utmerkingar
endre- Nynorsk litteraturpris 2005, for Ekko
- Peter C. Rollins Book Award 2013, for Zaprudered: The Kennedy Assassination Film in Visual Culture[3]
Kjelder
endre- ↑ «Øyvind_Vågnes» i Store norske leksikon, snl.no.
- ↑ «Nynorsk litteraturpris til Øyvind Vågnes». Noregs mållag. Arkivert frå originalen 5. mars 2016.
- ↑ «26,6 sekund som endra USA». På Høyden. Arkivert frå originalen 11. september 2014.