Ýdra
Ýdra (gresk Ύδρα), eller Hydra, er ei av Dei saroniske øyane i Hellas. Ho ligg i Egearhavet mellom Saroniabukta og Argolikósbukta. Øya er ein kommune i periferieininga Øyane i periferien Attikí. Kommunen inkluderer òg den sparsamt busette øya Dokós.[2] Mellom Peloponnes og øya ligg den smale Ydrabukta. I antikken vart øya kalla Hydrea (Υδρέα), som viser til kjeldene på øya.
| Ýdra Lokalt namn Ύδρα | |
|---|---|
 Hamna på Ýdra | |
| Geografi | |
| |
| Stad | Egearhavet |
| Koordinatar | 37°21′N 23°28′E / 37.350°N 23.467°E |
| Øygruppe | Dei saroniske øyane
|
| Areal | 64,44 km²
|
| Administrasjon | |
| Land | Hellas |
| Periferi Periferieining |
Attikí Øyane |
| Største busetnad | Ýdra (1 988 innb.)
|
| Demografi | |
| Folketal | 2 070 (2021[1]) |
| Folketettleik | 32,1 /km² |
Øya er avhengig av turisme, og mange athenarar kjem hit. Ferjer går regelmessig frå Pireus (hamnebyen nær Athen) og frå Návplio, som ligg på kysten av Peloponnes. Bortsett frå søppelbilar er ikkje motoriserte køyretøy tillatne på øya. Det meste av den offentlege transporten er dermed esel og båttaxi. Det busette området er så kompakt at folk flest uansett går der dei skal.
Øya har ein hovudby, berre kalla «Ýdra hamn». Han består av ei halvmåneforma hamn, der handelssenteret ligg rundt med restaurantar, butikkar, marked og galleri. Bratte steingater fører opp frå hamneområdet. Dei fleste fastbuande bur i desse gatene.
Sjølv om øya har fått namn frå eldgamle kjelder, er desse i dag tørre. Ýdra hadde tidlegare brønnar, men desse vart lukka av seismisk aktivitet på midten av 1900-talet. I dag vert vatn transportert frå fastlandet med båt. Dei dominerande geografiske trekka på Ýdra er dei berglendte åssidene, som er tomme bortsett frå eit og anna gardshus og eit par svært isolerte ortodokse kloster.
Byar og tettstader
endreDei største byane og tettstadene i kommunen er:
| Tettstad | Folketal 2011[3] | Folketal 2021[1] |
|---|---|---|
| Ýdra | 1 900 | 1 988 |
| Vlykhós | 19 | 32 |
| Dokós (øy) | 18 | 15 |
| Mandráki | 11 | 8 |
Dei andre busetnadene på øya er:
|
|
|
|
Småøyar i kommunen:
- Dokós (18)
- Ájos Ioánnis (0)
- Ájos Jeórjios (0)
- Ájos Nikólaos (0)
- Kivotós (0)
- Limióniza (0)
- Pétasi (0)
- Platonísi (0)
- Stavronísi (0)
- Tríkeri (0)
- Véniza (0)
Kjelder
endre- Denne artikkelen bygger på «Hydra, Saronic Islands» frå Wikipedia på engelsk, den 23. juli 2007.
- Referansar
- ↑ 1,0 1,1 Folketeljing 2021
- ↑ Νόμος 3852/2010 - ΦΕΚ 87Α/7-6-2010
Lov 3852/2010: Kallikratis-reforma, arkivert frå originalen 30. juli 2023, henta 7. september 2023 - ↑ Folketeljing 2011, revidert
