A Taste of Honey av Bobby Scott
| A Taste of Honey av Herb Alpert's Tijuana Brass frå albumet Whipped Cream and Other Delights | ||
| Språk | engelsk | |
| Utgjeve | 1965 | |
| Innspelt | 1965 | |
| Sjanger | ||
| Lengd | 2:43 | |
| Selskap | A&M | |
| Komponist | Bobby Scott | |
| Tekstforfattar | Ric Marlow | |
| Låtskrivar(ar) | Bobby Scott, Ric Marlow | |
|---|---|---|
| Produsent | Herb Alpert, Jerry Moss | |
| Herb Alpert's Tijuana Brass-kronologi | ||
| «Mae» (1965) |
A Taste of Honey | «3rd Man Theme» (1965)
|
«A Taste of Honey» er ein popsong skriven av Bobby Scott og Ric Marlow. Han var opphavleg eit instrumentalt spor (eller tilbakevendande tema) skrive for broadwayutgåva av det britiske skodespelet A Taste of Honey i 1960 (som det òg vart laga film av med same namn i 1961). Både originalen og ei seinare innspeling av Herb Alpert i 1965 gav songen fire Grammy-prisar. Ein versjon med vokal vart først spelt inn av Billy Dee Williams (og gjeven ut i 1961 på Prestige), og spelt inn av The Beatles for debutalbumet deira Please Please Me i 1963. Barbra Streisand framførte songen som ein del av cabaretshowet sitt i 1962, og spelte inn songen for debutalbumet The Barbra Streisand Album. Albumet vann Grammyprisen for årets album i 1963.
Instrumentale versjonar endre
Den originale versjonen av «A Taste of Honey», «A Taste of Honey (refrain)» og «A Taste of Honey (closing theme)» kom ut på albumet til Bobby Scott i 1960, som òg heitte A Taste of Honey. Denne komposisjonen vann Grammy-prisen for beste instrumentale tema i 1963.
- Martin Denny og The Victor Feldman Quartet fekk kvar sine mindre hittar med sine versjonar av songen i 1962.
- Acker Bilk gav ut ein versjon i Storbritannia i januar 1963, som nådde 16. plassen på UK Singles Chart.
- Herb Alpert and the Tijuana Brass spelte inn den mest populære instrumentale versjonen av songen på på albumet deira Whipped Cream & Other Delights i 1965. Denne vann dei fire Grammy-prisar for, mellom anna årets singel, i 1966. Denne instrumentalen låg fem veker på toppen av easy listening-lista og nådde sjuandeplassen på Billboard Hot 100.[1]
- Harry James gjorde eit konsertopptak i 1966 for albumet Live At The Riverboat.
- Paul Desmond spelte inn ein versjon i 1964 på albumet Glad to Be Unhappy
Vokalversjonar endre
| A Taste of Honey Song av The Beatles frå albumet Please Please Me | ||
| Utgjeve | 22. mars 1963 | |
| Innspelt | 11. februar 1963 | |
| Lengd | 2:01 | |
| Selskap | Parlophone | |
| Komponist | Bobby Scott | |
| Tekstforfattar | Ric Marlow | |
| Låtskrivar(ar) | Bobby Scott/Ric Marlow | |
|---|---|---|
| Produsent | George Martin | |
The Beatles endre
The Beatles framførte Lenny Welch si utgåve av songen, med ein litt endra tekst i refrenget, som ein del av repertoaret sitt i 1962.[2] Då den instrumentale versjonen til Acker Bilk vart populær i Storbritannia på den tida, vart songen vald ut til debutalbumet deira i 1963, Please Please Me. Ein versjon frå denne tida kom ut i 1977 på albumet Live! at the Star-Club in Hamburg, Germany; 1962.
I USA kom songen først ut på VeeJay Records-albumet Introducing... The Beatles. Dei spelte òg «A Taste of Honey» sju gonger for BBC radio, inkludert programma Here We Go, Side by Side og Easy Beat.[3] I 1967 vart McCartney inspirert til å skrive «Your Mother Should Know» basert på ei linje frå filmen A Taste of Honey.[2]
Medverkande endre
- Paul McCartney – solovokal, bass
- John Lennon – akustisk gitar, korvokal
- George Harrison – sologitar, korvokal
- Ringo Starr – trommer
Lydteknikar var Norman Smith[4]
Andre artistar endre
Lenny Welch spelte inn ein tidleg versjon med vokal. Denne kom ut på singel i september 1962 og seinare på albumet Since I Fell for You. Denne versjonen tilskriv òg Lee Morris som låtskrivar, men et er uvisst om han skreiv teksten. Denne krediteringa finst ikkje på andre versjonar av songen, der berre Marlow/Scott er oppført. Johnny Rivers spelte inn songen på albumet sitt Changes.
Tony Bennett nådde 94. plassen i USA med ein vokal verjson av songen for albumet The Many Moods of Tony i 1964.
Kjelder endre
- Denne artikkelen bygger på «A Taste of Honey av Bobby Scott» frå Wikipedia på engelsk, den 10. mars 2018.
- Wikipedia på engelsk oppgav desse kjeldene:
- The Billboard Book of Top 40 Hits, 6. utg., 1996
- ↑ Whitburn, Joel (2002). Top Adult Contemporary: 1961-2001. Record Research. s. 19.
- ↑ 2,0 2,1 MacDonald, Ian (1998). Revolution in the Head. London: Pimlico. s. 231. ISBN 0-7126-6697-4.
- ↑ «The Beatles Bible: A Taste Of Honey». Henta 10. mars 2018.
- ↑ A Taste Of Honey | The Beatles Bible