Achille Lauro

italiensk songar

Lauro De Marinis (fødd 11. juli 1990 i Verona), kjend under artistnamnet Achille Lauro, er ein italiensk songar, rappar og låtskrivar.[1][2] Han har utmerka seg i den italienske hiphop-scena og deltok i Sanremo-festivalen 2019 med songen «Rolls Royce», i 2020 med «Me ne frego» og sist i 2022 med songen «Domenica».[3][4] Han representerte San Marino i Eurovision Song Contest 2022 med songen «Stripper», etter å ha vunne den sanmarinske songtevlinga Una Voce per San Marino.

Achille Lauro

Fødd11. juli 1990 (33 år)
FødestadVerona
AliasAchille Lauro
OpphavItalia
Aktiv2012–
SjangerHiphop, poprock
Instrumentvokal
Verka somsongar

Bakgrunn endre

De Marinis vart fødd i Verona i 1990, men vaks opp i hovudstaden Roma. Då han var 14 år, flytta foreldra hans til ein annan by, men han valde å bli buande hos sin fem år eldre bror, Federico.[5] Broren var då produsent for hiphop-kollektivet Quarto Blocco, og det var her De Marinis fekk kontakt med undergrunnsrap og punkrock. Han gav ut sin fyrste mikstape i 2012, og to år seinare kom debutalbumet Achille Idol Immortale. Etter fleire singlar og oppfølgjaralbumet Dio c'è skipa han sitt eige plateselskap – No Face Agency – og gav ut sitt tredje album, Ragazzi madre, der i 2016.[5]

Saman med produsent Boss Doms (Edoardo Manozzi) deltok De Marinis i realityprogrammet Pechino ExpressRai 2 i 2017. Deretter jobba han med Boss Doms på eit nytt album, som vart gjeve ut i 2018 under tittelen Pour l'amour, distribuert av Sony. I 2019 fekk han ein niandeplass i Sanremo-festivalen med låten «Rolls Royce», året etter fekk han ein åttandeplass i same tevling med «Me ne frego».[5]

I 2021 kom studioalbumet Lauro, som toppa den italienske albumlista.[6] I 2022 deltok Lauro i Sanremo-festivalen, akkompagnert av Harlem Gospel Choir, og tok 14. plass med låten «Domenica». Kort tid etter deltok han i Una voce per San Marino med songen «Stripper». Han vann tevlinga og representerte San Marino i Eurovision Song Contest 2022 på heimebane i Torino i Italia.[7] Låten kvalifiserte seg ikkje til finalen.

Diskografi endre

Studioalbum endre

  • 2014 – Achille Idol Immortale
  • 2015 – Dio c'è
  • 2016 – Ragazzi madre
  • 2018 – Pour l'amour
  • 2019 – 1969
  • 2021 – Lauro

Coveralbum endre

  • 2020 – 1990
  • 2020 – 1920 – Achille Lauro & The Untouchable Band

Kjelder endre

  1. «La recensione di 1969 di Achille Lauro, la trap si rinnova con un disco che non innova». Optimagazine: ultime news, video e notizie italiane e dal mondo (på italiensk). 13. april 2019. Henta 21. februar 2022. 
  2. «Achille Lauro, da venerdì 8 giugno il nuovo singolo Ammò feat. Clementino e Rocco Hunt». Social Artist (på italiensk). 7. juni 2018. Henta 21. februar 2022. 
  3. «Festival di Sanremo 2020, Amadeus svela: "Ecco chi sono i cantanti in gara". Poi conferma: "Rula Jebreal? Le ho chiesto di esserci"». Il Fatto Quotidiano (på italiensk). 31. desember 2019. Henta 21. februar 2022. 
  4. Scarpone, Cristian (4. desember 2021). «Sanremo 2022: Elisa, Emma Marrone, Mahmood and Ana Mena among 22 confirmed participants». Wiwibloggs (på italiensk). Henta 6. desember 2021. 
  5. 5,0 5,1 5,2 s.r.l, Rockol com. «√ Biografia di Achille Lauro | Le migliori notizie, testi e concerti». Rockol (på italiensk). Henta 21. februar 2022. 
  6. «Classifiche - FIMI». www.fimi.it (på italiensk). Henta 21. februar 2022. 
  7. «Achille Lauro - San Marino - Turin 2022». Eurovision.tv (på engelsk). Henta 21. februar 2022.