Adolf Nielsen
Adolf Kristoffer Nielsen (11. januar 1890–28. juli 1960) var ein norsk toneskapar og dirigent frå Oslo.
| Adolf Nielsen | |
| Statsborgarskap | Noreg |
| Fødd | 11. januar 1890 Christiania |
| Død | |
| Yrke | dirigent, komponist |
Nielsen var son til ein murar. Han utdanna seg på Musikkonservatoriet i Oslo under Ingebret Haaland og Hans Hansen. Frå 1922 til 1956 var Nielsen kapellmeister ved Det Norske Teatret. Han komponerte i dei åra musikk til ei rekke skodespel som vart framført ved teateret. Allereie i 1914 laga han tonefylgjet til Tyrihans av Hulda Garborg. Seinare komponerte han musikk til Bli med til Kina (1932) av Harald Skjønberg, Knivane (1934) av Sigurd Eldegard, Antigone av Sofokles og Blodbryllupet av Federico García Lorca (begge 1945) og Munkeklokka (1950) av Aslaug Vaa.
I tillegg skreiv Nielsen musikk til spelefilmane Kristine Valdresdatter (1930), Liv (1934), Hu Dagmar (1939), Gjest Baardsen (1939), Godvakker-Maren (1940), Gullfjellet (1941) og Trysil-Knut (1942).
Kjelder
endre- Norsk Allkunnebok. VIII. bandet. 1958
- Store norske leksikon