Agnbøk

Agnbøk (Carpinus betulus) er eit lauvfellande tre i bjørkefamilien .

Agnbøk
Agnbøk
Utbreiing og status
Status i verda: Livskraftig Utbreiinga av Agnbøk
Systematikk
Rike:	Planteriket Plantae
Rekkje:	Karplantar Tracheophytes
Underrekkje:	Frøplantar Spermatophytes
Orden:	Bøkeordenen Fagales
Familie:	Bjørkefamilien Betulaceae
Underfamilie:	Coryloideae
Slekt:	Carpinus
Art:	Agnbøk C. betulus
Vitskapleg namn
Carpinus betulus L., 1753

Blada liknar blada hos bøk, men dei er dobbelt sagtakka, som blada hos hengebjørk. Blada heng på treet lenge utover vinteren, også dette likt bøk.

Treet vert i Noreg gjerne brukt i hekkar, men om det får vekse fritt, kan det bli meir enn 20 meter høgt. Frittveksande tre blomstrar hengande raklar samtidig med lauvsprett og får hengande klasar av nøttefrukter med dekorative vingar.

Agnbøk høyrer heime i Europa, Vesleasia og austover til Iran. Treet veks vilt i Sverige og Danmark, men i Noreg finst det ikkje naturleg. Likevel har det spreidd seg frå hagar og parkar slik at det veks naturalisert nokre få stader i Osloområdet

Veden er hard og har vore bruka til dørhandtak, treskruer, økseskaft og nav.

Bilde

• 
  Botanisk illustrasjon
• 
  Frø
• 
  Nyskot
• 
  På ettervinteren
• 
  Blad
• 
  Innsamla frø ved museum.

Kjelder

• Botanisk hage, naturhistorisk museum

Bakgrunnsstoff

• (no) Agnbøk hos Artsdatabanken
• (en) Agnbøk i Encyclopedia of Life
• (en) Agnbøk i Global Biodiversity Information Facility
• (sv) Agnbøk hos Dyntaxa
• (en) Agnbøk hos ITIS
• (en) Agnbøk hos NCBI
• (en) Agnbøk hos The International Plant Names Index
• (en) Agnbøk hos Tropicos
• (en) Kategori:Carpinus betulus – bilete, video eller lyd på Wikimedia Commons
• (en) Carpinus betulus – galleri av bilete, video eller lyd på Wikimedia Commons
• Carpinus betulus – detaljert informasjon på Wikispecies

• Månedens plante: Agnbøk (Carpinus betulus) Arkivert 2015-04-18 ved Wayback Machine., Institutt for plante- og miljøvitenskap