Hillah

(Omdirigert frå Al Hillah)


Hillah (arabisk الحلة, òg skrive Hilla eller Al Hillah) er ein by sentralt i Irak ved Hilla-greina av elva Eufrat, 100 km sør for Bagdad. Han er hovudstad i Babil guvernement og ligg like ved oldtidsbyen Babylon, og nær oldtidsbyane Borsippa og Kish. Området er hovudsakleg eit jordbruksområde som får vatn får Hilla-kanalen. Elva renn midt gjennom byen og er omgjeve av daddelpalmar og anna grøn vegetasjon.

Al-Hillah
الحلة
by
Land  Irak
Guvernement Babil
Høgd 34 moh.
Koordinatar 32°29′N 44°26′E / 32.483°N 44.433°E / 32.483; 44.433
Folketal 1 729 666  (2015)
Kart
Hillah
32°29′00″N 44°26′00″E / 32.483333333333°N 44.433333333333°E / 32.483333333333; 44.433333333333
Wikimedia Commons: Hillah

Byen var ein gong eit stort islamsk læresenter. Grava til den jødiske profeten Esekiel skal visstnok liggje i den nærliggande landsbyen Al Kifl.

Byen vart eit stort administrativt senter under styret til Det osmanske riket og Det britiske imperiet. På 1800-talet byrja Hilla-kanalen å mudre til og mykje av jordbruksområda gjekk tapt i tørke. Dette vart stogga då Hindiya-demninga vart bygd i 1911–1913, som avleidde vatn frå den djupare Hindiya-greina av Eufrat til Hilla-kanalen.[1] Det var harde kampar her i 1920 under eit opprør mot britane.

Kjelder endre

  1. Money, Robert I. (1917). «The Hindiya-demninga, Mesopotamia». The Geographical Journal 50 (3): 217–222. JSTOR 1779909. doi:10.2307/1779909.