Alba i Italia

For andre tydingar av oppslagsordet, sjå Alba (fleirtyding).

Alba er ein bykommune i Piemonte i Italia med om lag 35 000 innbyggjarar. Han ligg ved elva Tanaro, 50 km søraust for Torino.

Alba
Horisonten til Alba i Italia
Styresmakter
Region Provins	Piemonte Cueno
Geografi
Flatevidd	54 km²
Innbyggjarar  - By (2007)    - folketettleik	35645   568/km²
Koordinatar	44°43′0″N 8°5′0″E
Høgd over havet	172 m
Tidssone - Ved sommartid	UTC+01:00, UTC+2 (UTC) UTC+2 (UTC)
Diverse anna
Postnummer	12051
Heimeside: https://www.comune.alba.cn.it/
Nettstad: www.comune.alba.cn.it

Alba er rekna som hovudstaden i Langhe-området. Han er ein handelsby med næringsmiddel- og tekstilindustri. Sjokolade- og konfektverksemda Ferrero har hovudkontor her. Byen er kjend for sin kvite trøffel, fersken og vin. Særleg kjend er raudvinen Barbera d'Alba.

Frå domkyrkja i Alba.

Historie

I antikken heitte byen Alba Pompeia. Den kortliva romerske keisaren Pertinax var fødd her.

Etter at Vestromarriket fall blei byen plyndra fleire gonger av burgundarar, lombardar og frankarar. På 1000-talet blei han ein bystat med medlemskap i Det lombardiske forbundet.

26. april 1796 blei Republikken Alba erklært her då franske revolusjonære styrkar tok byen. Denne handlinga fann gjenklang under andre verdskrigen, då partisanar i nokre veker i oktober 1944 hadde ein sjølvstendig republikk i Alba.

Kjelder

«Alba – by i Italia» i Store norske leksikon, snl.no.

• Denne artikkelen bygger på «Alba (Italia)» frå Wikipedia på bokmål, den 30. august 2011.

• Denne artikkelen bygger på «Alba, Piedmont» frå Wikipedia på engelsk, den 30. august 2011.

Denne geografiartikkelen som har med Italia å gjere, er ei spire. Du kan hjelpe Nynorsk Wikipedia gjennom å utvide han.