Aleksej Vojevodin

Aleksej Nikolajevitsj Vojevodin (fødd 9. august 1970) er ein russisk tidlegare kappgjengar frå Penza oblast som vann sølvmedalje på 50 km i Friidretts-EM 2003 og i VM 2005, og bronsemedaljen på distansen i Aten-OL 2004. Han vart dopingdømd i 2008.

Aleksej Vojevodin
Statsborgarskap	Russland
Fødd	9. august 1970 (53 år) Marat
Idrett	friidrett
Tok del i	Sommar-OL 2004

Aktiv

Vojevodin makta ikkje å gjere seg gjeldande i medaljestriden under verdsmeisterskapane i tida 1995-2001. Derimot gjekk han inn til sølv på spesialdistansen 50 km då europameisterskapen 2002 fann stad i München, meir enn tre-og-eit-halvt minutt bak Robert Korzeniowski frå Polen. Eitt år etter gjekk Vojevodin sitt liv snøggaste 50 km då han ved verdsmeisterskapen i Paris/Saint-Denis vart klokka inn på tida 3.38.01. Han enda likevel på fjerdeplass og utan medalje, 15 sekundar unna bronsemedaljøren. Under dei olympiske leikane 2004 i Aten kneip Vojevodin bronsen bakom Robert Korzeniowski og sin eigen landsmann Denis Nizjegorodov. Året etter tok Vojevodin sølvmedaljen ved verdsmeisterskapen i Helsinki, halvminuttet føre Alex Schwazer frå Italia og over tre minuttar bakom landsmannen ]]Sergej Kirdjapkin]].

Doping

Vojevodin testa i april 2008 positivt på erythropoetin (EPO) og vart stengd ute frå idretten i to år. Han kom aldri tilbake i tevling.

Medaljar og plasseringar i internasjonale meisterskap

• VM 1995 i Göteborg: Nr 15 – 3.59.23
• VM 1997 i Aten: Nr 10 – 3.54.28
• VM 2001 i Edmonton: Braut 50 km
• EM 2002 i München: Sølvmedalje – 3.40.16, bakom Robert Korzeniowski (3.36.39)
• VM 2003 i Paris: Nr 4 – 3.38.01
• OL 2004 i Aten: Bronsemedalje – 3.43.34
• VM 2005 i Helsinki: Sølvmedalje – 3.41.25, bakom Sergej Kirdjapkin (3.38.08)
• VM 2007 i Osaka: Braut 50 km

Kjelder

• Denne artikkelen bygger på «Alexei Nikolajewitsch Wojewodin» frå Wikipedia på engelsk, den 9. juni 2019.
• «Aleksey Voyevodin» (på engelsk). Olympedia.org. Henta 18. april 2024.