Ammodramus
Ammodramus er ei biologisk slekt av mellomstore sporvefuglar i amerikasporvfamilien, Passerellidae. Dei har utbreiing over store delar av Amerika. Det finst ulike handsamingar av taksonomien til artane i og rundt denne slekta, det som er skildra her er etter eBird/Clements Checklist v2017.[1] HBW Alive, til dømes, har spreidd desse artane på fleire slekter.
| Ammodramus | |
.jpg) Dakotasporv, Ammodramus bairdii Foto: Rick Bohn
| |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Sporvefuglar Passeriformes |
| Overfamilie: | Passeroidea |
| Familie: | Amerikasporvfamilien Passerellidae |
| Slekt: | Ammodramus Swainson, 1827 |
Skildring
endreAmmodramus-sporvane har ei kroppslengd på rundt 13 centimeter. Fjørdrakta er hovudsakleg i grått og brunt med streka overside, mange fjørdrakter til artane i denne slekta kan minne om sporvar som hekksporv eller piplerker i Europa. Dei fleste artane lever i Mexico, USA, og Canada der dei nordlegaste populasjonane trekker til Mexico og eller sørlege USA om vinteren. Grashoppesporv overvintrar òg i Karibia. Campossporv og gulmaskesporv er vidt utbreidd i Sør-Amerika.
Artslista
endreAmmodramus i rekkjefølgje etter eBird/Clements Checklist v2017[1] med norske namn etter Norske navn på verdens fugler:[2]
- Grashoppesporv, Ammodramus savannarum, Grasshopper Sparrow, Gmelin, 1789, (LC)
- Campossporv, Ammodramus humeralis, Grassland Sparrow, Bosc, 1792, (LC)
- Gulmaskesporv, Ammodramus aurifrons, Yellow-browed Sparrow, Spix, 1825, (LC)
- Dakotasporv, Ammodramus bairdii, Baird's Sparrow, Audubon, 1844, (LC)
- Brakksporv, Ammodramus henslowii, Henslow's Sparrow, Audubon, 1829, (NT)
- Gråøyresporv, Ammodramus leconteii, LeConte's Sparrow, Audubon, 1843, (LC)
- Nålhalesporv, Ammodramus nelsoni, Nelson's Sparrow, Allen, 1875, (LC)
- Spisshalesporv, Ammodramus caudacutus, Saltmarsh Sparrow, Gmelin, 1788, (VU)
- Marsksporv, Ammodramus maritimus, Seaside Sparrow, Wilson, 1811, (LC)
Kjelder
endre- (2017). New World Sparrows (Passerellidae) I: del Hoyo, J., Elliott, A., Sargatal, J., Christie, D.A. & de Juana, E. (red.). Handbook of the Birds of the World Alive. Lynx Edicions, Barcelona. Hypertekst 'Species table', henta frå http://www.hbw.com/node/1343552 21. oktober 2017
- Referansar
- ↑ 1,0 1,1 Schulenberg T.S.; M.J. Iliff; B.L. Sullivan; C.L. Wood; T. A. Fredericks; D. Roberson (august 2017), eBird/Clements Checklist v2017 (CSV), Cornell Lab of Ornithology, henta 1. oktober 2017
- ↑ Syvertsen, P. O., Ree, V., Hansen, O. B., Syvertsen, Ø., Bergan, M., Kvam, H., Viker, M. & Axelsen, T. 2008. Virksomheten til Norsk navnekomité for fugl (NNKF) 1990-2008. Norske navn på verdens fugler. Norsk Ornitologisk Forening sin nettstad (publisert 22.5.2008)
Bakgrunnsstoff
endre
Wikimedia Commons har multimedia som gjeld: Ammodramus