Andor Hoel

Ole Andor Hoel (13. desember 1867–14. juli 1941) var ein norsk skulemann og forsikringsmatematikar, fødd i Nes i Akershus. Han representerte Frisinna Venstre på Stortinget i perioden 1919-21.

Andor Hoel
Statsborgarskap	Noreg
Fødd	13. desember 1867 Nes kommune
Død	14. juli 1941 (73 år) Oslo
Yrke	matematikar, embetsmann, direktør, politikar
Politisk parti	Frisindede Venstre

Hoel var son til ein jarnbanemann og seinare fattigforstandar i Kristiania. Sjølv vart han student i 1884 og tok cand.real.-eksamen i 1892. Frå 1892 til -98 underviste han ved Hambros skole i Bergen. Deretter var han overlærar 1898-1905 ved Bergens tekniske skule, og direktør 1905-08 i same institusjonen. Frå 1908 var han direktør ved Bergen kommune si pensjonskasse.

Hoel var varamann til Stortinget 1910-15 frå Nygård-krinsen i Bergen. Han var elles i 1911-12 formann i den departementale komiteen som såg på undervisninga i dei tekniske skulane.

I valperioden 1919-21 representerte Hoel valkrinsen Sandviken på Stortinget, der han var medlem i Kyrkje- og skulekomiteen.

Kjelder

• snl
• Stortingsbiografi Arkivert 2016-09-18 ved Wayback Machine.