Andy Serkis
Andrew Clement Serkis (fødd 20. april 1964) er ein britisk skodespelar, kjend frå rolla som Gollum i Ringdrotten-filmane av Peter Jackson.
| Andy Serkis | |||
 | |||
| Fødd | 20. april 1964 (60 år) | ||
|---|---|---|---|
| Fødestad | Ruislip | ||
| Fødenamn | Andrew Clement Serkis | ||
| Aktive år | 1989– | ||
| Verka som | fjernsynsskodespelar, filmskodespelar, filmregissør, skribent, skodespelar, stemmeskodespelar, teaterskodespelar, produsent, regissør, produsent | ||
| Ektefelle | Lorraine Ashbourne | ||
| Born | Louis Ashbourne Serkis, Ruby Ashbourne Serkis, Sonny Ashbourne Serkis | ||
Biografi
endreAndy Serkis vart fødd i Vest-London og voks opp i ein familie på sju. Faren, Clement Sarkisian var ein lækjar frå Irak av armensk ætt, og i barndommen måtte familien reisa mykje rundt i Midtausten på grunn av jobben hans. Andy Serkis gjekk på katolsk skule i London, og etter vanleg skulegang starta han studie i visuell kunst ved Lancaster University. Etter ei stund gjekk han over til å studera teater på fulltid.
I 1989 starta Serkis å få små roller i britiske fjernsynsseriar. Samtidig skaut teaterkarrieren hans fart, og han spela roller i stykke av Shakespeare og Bertolt Brecht m. fl. Den fyrste spelefilmen han fekk ei rolle i var Prince of Jutland (1994) med Christian Bale, og det vart fleire spelefilmar på Andy Serkis utover 1990-åra.
I 2001 kom den fyrste av Ringenes herre: Ringens brorskap ut. Her var den schizofrene karakteren Gollum/ Smýgol, spelt av Serkis, såvidt synleg i filmen. Andy Serkis fekk ei større rolle i dei to siste filmane i trilogien frå 2002 og 2003. Andy Serkis spelte inn rørslene og andletsuttrykka til Gollum i ei spesiell, tettsitjande drakt, og ved hjelp av moderne datateknikk vart dette sett saman med digital animasjon for å skapa figuren Gollum. Likevel var både røysta, rørslene og andletsuttrykka Serkis sitt. I den tredje filmen, Ringenes herre: Atter en konge, spela Serkis karakteren Smýgol i ei tilbakeblikk-scene i byrjinga av filmen. Dette var tradisjonelt skodespel. I tillegg til dette spelte Andy Serkis inn røysta til The Witch King of Angmar i alle filmane.
Etter dette har Andy Serkis spelt i fleire store spelefilmar. Av høgdepunkta kan det nemnast at han hadde hovudrolla i filmen om King Kong (2005) og at han spelte stemma til kaptein Haddock Tintin-filmen (2011). I tillegg spelar Serkis Gollum/ Smýgol i Hobbiten: En uventet reise frå 2012, og var second unit director, assisterande regissør, for alle tre Hobbiten-filmane til Peter Jackson.[1]
Spelefilmar
endre- Prince of Jutland (1994)
- The Near Room (1995)
- Stella Does Tricks (1996)
- Loop (1997)
- Carreer Girls (1997)
- Mojo (1997)
- Among Giants (1998)
- The Tale of Sweety Barrett (1998)
- Topsy-Turvy (1999)
- The Jolly Boys' Last Stand (2000)
- Pandaemonium (2000)
- Shiner (2000)
- Five Seconds to Spare (2000)
- Ringenes herre: Ringens brorskap (2001)
- Ringenes herre: To tårn (2002)
- 24 Hour Party People (2002)
- The Escapist (2002)
- Deathwatch (2002)
- Ringenes herre: Atter en konge (2003)
- 13 snart 30 (2004)
- Blessed (2004)
- Stories of Lost Souls (2005)
- King Kong (2005)
- Stormbreaker (2006)
- The Prestige (2006)
- Nedenom og hjem igjen (2006)
- Extraordinary Rendition (2007)
- Sugarhouse (2007)
- The Cottage (2008)
- Inkheart (2008)
- Sex & Drugs & Rock & Roll (2010)
- Brighton Rock (2010)
- Konferenz der Tiere (2010)
- Burke and Hare (2010)
- Rise of the Planet of the Apes (2011)
- Death of a Superhero (2011)
- Wild Bill (2011)
- På eventyr med Tintin - Enhjørningens hemmelighet (2011)
- Arthurs julegaverace (2011)
- Hobbiten: En uventet reise (2012)
Kjelder
endre- Denne artikkelen byggjer på «Andy Serkis» frå Wikipedia på engelsk, den 28. februar 2012.
- Avsnittet om Gollum byggjer på «Gollum» frå Wikipedia på engelsk, den 28. februar 2012.
- Filmlista er henta frå imdb.com, den 28. februar 2012.