Anita Ekberg

Kerstin Anita Marianne Ekberg (29. september 193111. januar 2015) var ein svensk modell og skodespelar. Ho er mest kjend for hovudrolla i Federico Fellini sin film Det søte liv, med den ikoniske badescena frå Fontana di Trevi i Roma.

Anita Ekberg
Anita Ekberg-1965.jpg
Fødd29. september 1931
FødestadMalmö
Død11. januar 2015 (83 år)
DødsstadRocca di Papa
FødenamnAnita Marianne Ekberg, Kerstin Anita Marianne Ekberg
Aktive år1953–2015
Verka somskodespelar, modell, filmskodespelar, skjønnhetskonkurransedeltager
FarGustav Fredrik Ekberg
EktefelleAnthony Steel, Rik Van Nutter
PrisarGolden Globe Award for New Star of the Year – Actress

Liv og virkeEndra

BakgrunnEndra

Anita Ekberg var dotter av Alva og Gustav Ekberg og voks opp i Östra Fäladsgatan 29 i Malmö.[1]

KarriereEndra

I 1951 vann Ekberg venleikskonkurransen Fröken Sverige. Same året kom til USA for å konkurrere i Miss Universe-kåringa. Den vann ho ikkje, men fekk arbeida som fotomodell og på nattklubbar før ho gjorde ein strålande filmdebut i Hollywood i 1953. Først hadde ho nokre biroller for Universal Pictures i filmane Abbott and Costello go to Mars og The Golden Blade der ho spelte saman med John Wayne og Lauren Bacall.

Howard Hughes ville at ho skulle skifta namn; han meinte at Ekberg var for vanskeleg å uttala. Men ho nekta og meinte at dersom ho vart kjend skulle folk læra seg å uttala namnet hennar, og dersom ho ikkje vart kjend spelte det inga rolle.

Det internasjonale gjennombrotet kom med filmen Krig og fred (1956). Etter fem år i Hollywood drog ho til Italia for å spela inn Det søte liv, Federico Fellini sin film frå 1960 som utgjorde høgdepunkt i karrieren til Ekberg. Ho spelte rolla som Sylvia mot Marcello Mastroianni. I filmen badar ho i ei berømt scene i Fontana di Trevi i Roma.

I november 1961 poserte ho for magasinet Playboy.

I 1963 spelte ho mot Frank Sinatra og Dean Martin i western-komedien 4 for Texas. Deretter var ho knapt med i nokre nemneverdige filmar - unntaket var først i 1987, då ho hadde ei minnesverdig rolle i Intervista. Ho har aldri medverka i nokon svensk film.

Ekberg var gift to gonger: Med den britiske skodespelaren Anthony Steel (1956–1959) og den amerikanske skodespelaren Rik Van Nutter (1963–1975).

Filmografi (utval)Endra

  • 1956 – Krig og fred
  • 1960 – Det søte liv
  • 1960 – Kokottene
  • 1978 – Mord i klosteret

KjelderEndra

  1. «Anita017». Bilderisyd.se. Henta 11. januar 2015. 

BakgrunsstoffEndra

  Commons har multimedium som gjeld: Anita Ekberg