Antonio Gaztañeta

Don José Antonio Castañeta eller José Antonio de Gaztañeta (1656–5. februar 1728) var ein baskisk-spansk viseadmiral og skipsbyggar.

Antonio Gaztañeta
Statsborgarskap	Spania
Fødd	11. august 1656 Motrico
Død	5. februar 1728 (71 år) Madrid
Yrke	skribent, militær
Språk	spansk, Baskisk
Antonio Gaztañeta på Commons

Han er mest kjend som viseadmiralen som kommandert den spanske middelhavsflåten i slaget ved Kapp Passaro mot Storbritannia den 11. august 1718 utanfor kysten av Sicilia. Castañeta tapte slaget.

Det største bidraget sitt til den spanske marinen var derimot som skipsbyggar. Han var ein oppfinnar som baserte utforminga av skipa sine på vitskap. Han var opphavet til reformeringa av den spanske marinen på 1700-talet. Somme av elementa hans vart òg kopiert av britane og nederlendarane.

Under den spanske arvefølgjekrigen (1701–1714) var han ikkje involvert i krigføring, men bygde skip. Han grunnla det kjende skipsverftet El Astillero. I den påfølgjande kvadrupelalliansekrigen vart han leiar for flåten som segla den spanske armeen under markien av Lede til Sardinia og Sicilia, der han altså tapte slaget ved Kapp Passaro. Han vart skadd i ein fot og teken til fange av britane. Han vart sleppt fri ganske raskt og fekk ikkje skulda for nederlaget då han kom attende til Spania, sidan slaget vart rekna som ei svikefull handling av britane.

Han vart forfremma til generalløytnant i 1720 og vart leiar for den spanske sølvflåten. Under den engelske-spanske krigen i 1727 fekk han hemn då han sneik ein flåte med verdiar for 31 millionar pesos ombord forbi den britiske blokaden av Porto Bello. Då han nådde fram til Spania gav kong Filip V av Spania han store verdiar, men kort tid etter døydde brått Gaztañeta den 5. februar 1728.

Kjelder

• Denne artikkelen bygger på «Antonio Castañeta» frå Wikipedia på engelsk, den 22. april 2012.
  • Wikipedia på engelsk oppgav desse kjeldene:
  • Den spanske versjonen av artikkelen.
• Well-known people from Mutriku Arkivert 2008-05-21 ved Wayback Machine.